Sit Podcast Eritye Papa Desalin

Emisyon Eritye Papa Desalin pou lendi 20 jiyè 2020

Entwodiksyon - Mizik Kiki Wainwright - Fò n Lite

Vandredi 17 jiyè k sot pase a sè nou Ninaj Raoul nan Fanm Ayisyen pou Refijye Ayisyen te envite patisipe nan yon manifestasyon ki t ap fèt nan Leesport, Pennsylavania pou mande liberasyon fanmi ki fèmen nan prizon imigrasyon ak pitit yo

Ranmase sou rankont Vandredi Anba Tonnèl 17 jiyè 2020 an ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Ti koze ak frè nou Raymond Dugué, responsab nan UNIA - Jodi a fè 106 lannen depi Marcus Garvey te lanse premye reyinyon òganizasyon an nan Kingston, Jamaica yon 20 jiyè 1914

Sa sa vle di lè yon ti vòlè ki ta dwe anba kòd pibliye kòd penal pou yon peyi?

Liy ouvè ak oditè yo

Emisyon Eritye Papa Desalin pou madi 14 jiyè 2020

Entwodiksyon - Mizik Kiki Wainwright - Fò n Lite

Gouvènè NY la Andrew Cuomo ajoute 4 lòt eta (Minnesota, New Mexico, Ohio, Wisconsin) sou lis kote si moun soti la pou vin NY ou blije fè 14 jou an karantèn lakay ou anvan w pran lari

Demen mèkredi 15 jiyè a se delè Gouvènman Meriken an bay pou moun ki dwe leta peye enpo yo

Repòtaj Kay Vwazen ak sè nou Altagracia Jean Joseph

Pami 9 kandida k ap twoke kòn pou ranplase Mathieu Eugene nan 40yèm District nan Brooklyn nan emisyon Eritye Papa Desalin ankouraje kominote a kore Edwin Raymond ki se yon Lyetnan nan lapolis NYPD

Nouvèl:
-Apre plizyè mwa yo te fèmen akoz kowonaviris la, tribinal imigrasyon relouvri plizyè kote Ozetazini
-Lapolis NY anonse yo arete Jean Isidor Jean-Baptiste nan Brooklyn nan yè maten. Msye se yon Ayisyen ki te konn travay kòm sekitre nan Depatman Edikasyon NY la
-Gwo Moso Donald Trump leve mayèt li kòm Prezidan Etazini pou efase pèn prizon patnè li Roger Stone ki te dwe koumanse pije 40 mwa nan prizon;
-Yon jij nan Angletè kondane ansyen espyon Christopher Steele ki te monte fo dosye sou koneksyon Larisi ki ta foure dwèt yo nan eleksyon kòm mantè epi ekziije li peye konpansasyon bay 2 bizismann Ris li te lonmen non yo nan dosye a

Liy ouvè ak oditè yo

Pi wo tribinal nan Koredisid ajiste pèn ansyen prezidan peyi sila a Park Geun-hye pou l pase 20 lannen nan prizon epi peye yon amand 18 milya won ki ekivo 15 milyon dola vèt

Anons

Emisyon Eritye Papa Desalin pou lendi 13 jiyè 2020

Entwodiksyon - Mizik Kiki Wainwright - Fò n Lite

Yè apremidi Fanmi Anba Tonnèl la te selebre ti sè nou Harmony Divine ki gradye high school epi k pral koumanse kolèj; Nou voye konpliman pou Harmony, pou manman li Viergela, epi pou granmè li Madam Mireille ki te la ansanm ak nou

Ranmase sou rankont Vandredi Anba Tonnèl 10 jiyè 2020 an ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Nou salye memwa frè nou Joseph Petitmot ki pèdi lavi li lendi pase ansanm ak pitit pitit li Wisden Augustin ki te gen sèlman 12 lannen nan yon dife ki pran nan apatman yo nan 30 Linden Blvd. nan Brooklyn nan

Jean Eddy Saint Paul ki te alatèt "Haitian Studies Institute" nan Brooklyn College bay demisyon li. Epi...

Maten an atis Kenny Altidor ansanm ak yon gwoup politisyen devwale yon "mural" yo rele "Bridging the gap" ki ta kòmkwa senbolize yon tèt ansanm ant lapolis ak kominote Nwa a nan kontèks sasinay George Floyd la

Liy ouvè ak oditè yo

Emisyon Eritye Papa Desalin pou madi 7 jiyè 2020

Entwodiksyon - Mizik Kiki Wainwright - Fò n Lite

Nou salye pèp Venezyela ki selebre 209yèm anivèsè nesans endepandans peyi yo dimanch 5 jiyè ki sot pase a

Repòtaj Kay Vwazen ak sè nou Altagracia Jean Joseph

Ti koze ak konpatriyòt James Beltis ki se manm òganizasyon "Nou Pa p Dòmi" sou travay gwoup la ak manifestasyon k te fèt yè lendi a devan Ministè Lajistis nan Pòtoprens

Liy ouvè ak oditè yo

Jair Bolsonaro, prezidan peyi Brezil teste pozitiv pou kowonaviris la

Remèsiman pou tout fanmi ki te pote kole nan konbit "Merite pa Mande" a, n ap genyen yon rapò sou sa k rantre a semèn pwochèn

Anons

Emisyon Eritye Papa Desalin pou lendi 6 jiyè 2020

Entwodiksyon - Mizik Kiki Wainwright - Fò n Lite

Sa sa vle di lè menm moun yo k pran lari a pou mande sistèm nan wete pye l sou kou yo se menm yo menm nan k ap pete peta pou 4 jiyè

Ti son nan manifestasyon nan Washington DC kote yo boule drapo Meriken an

Ranmase sou rankont Vandredi Anba Tonnèl 3 jiyè 2020 an ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Ki sa sa vle di lè lavil New York ap rantre nan "phase 3" nan chimen relouvri apre 4 mwa lòk kowonaviris la

Gwo kriz ekonomik k ap pann sou tèt Etazini lè ti diplis $600 chak semèn "unemployment" lan ak moratwa pou mete moun deyò lakay yo ap ekspire fen mwa a

Ti tchoul restavèk blan an bay jere repiblik la yo mete deklarasyon bòn fèt pou Etazini epi yo plenyen dèske kowonaviris la fè yo pa t ka al manje poul boukannen, "hamburger" ak "hot dog" ane sa a

Nou pase ti moso nan anrejistreman aktè James Earl Jones k ap li diskou Frederick Douglas te fè nan okazyon 4 jiyè a nan dat 5 jiyè 1852

Emisyon Eritye Papa Desalin pou madi 30 jen 2020

Entwodiksyon - Mizik Kiki Wainwright - Fò n Lite

Konbit pou pwojè "Merite pa Mande"

Patisipasyon divès manm komite "Merite pa Mande" a

Repòtaj Kay Vwazen ak sè nou Altagracia Jean Joseph

Liy ouvè ak oditè yo

Konbit pou pwojè "Merite pa Mande"

Emisyon Eritye Papa Desalin pou lendi 29 jen 2020

Entwodiksyon - Mizik Kiki Wainwright - Fò n Lite

Konbit pou pwojè "Merite pa Mande"

Ranmase sou rankont Vandredi Anba Tonnèl 26 jen 2020 an ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Konbit pou pwojè "Merite pa Mande"

Emisyon Eritye Papa Desalin pou madi 23 jen 2020

Entwodiksyon - Mizik Kiki Wainwright - Fò n Lite

Nou fèk soti nan lantèman frè nou Ernest Janus; Nou salye tout fanmi ki te fè deplasman an pou salye vanyan an

Ti koze ak frè nou Raymond Dugué sou moman n ap viv jodi a Ozetazini epi nan mond lan: Kowonaviris lan; Dosye George Floyd lan; Batay pou kapote sistèm rasis k ap taye banda nan mond lan

Nouvèl:
-Pi gwo tribinal Ozetazini deside Donald Trump pa gen dwa kraze pwogram DACA Obama te kreye pou pèmèt timoun ki rantre nan peyi a san papye viv kòmsadwa nan peyi a san kè sote
-Anpil moun ap ridikilize alatèt chanm depite Meriken an Nancy Pelosi paske apre 30 lannen li fè nan chanm nan se jodi a li mande pou retire imaj 4 ansyen alatèt chanm nan paske yo te rasis pandan l pa di anyen sou papa li ki responsab enstalasyon plizyè moniman rasis pandan l te majistra vil Baltimore
-Majistra vil New York lan Bill deBlasio anonse l ap enstale 5 gwo desen nan 5 seksyon vil la pou denonse abi lapolis fè moun nwa; ke apati ane pwochèn 19 jen an ap vin yon jou ferye nan vil la; epi l poze siyati l sou yon seri pwopozisyon lwa pou sentre lapolis l ap boude depi ane 2014 
-Otorite nan peyi Ghana ann Afrik kònen lanbi a pou tout moun nwa k ap viv nan peyi blan rasis yo pou yo tounen lakay yo

Repòtaj Kay Vwazen ak sè nou Altagracia Jean Joseph

Liy ouvè ak oditè yo

Anons

Konbit pou pwojè Merite pa Mande

Emisyon Eritye Papa Desalin pou lendi 22 jen 2020

Entwodiksyon - Mizik Kiki Wainwright - Fò n Lite

Nou salye memwa frè nou Ernst Janus, manm Sant Kiltirèl Granchimen ki fè travèse l; Lantèman frè a ap fèt demen madi a 10è dimaten nan Frantz Daniel Jean Funeral Services

Nou salye ti nyès mwen Leeya Joseph ki gradyè nan Middle School mèkredi pase epi ki te selebre anivèsè nesans li vandredi a; Nou salye tou demwazèl Harmony Divine, pitit sè nou Viergela Pierre ki limenm tou te selebre anivèsè nesans li Vandredi a epi k ap gradye High School jodi a

Ranmase sou rankont Vandredi Anba Tonnèl 19 jen 2020 an ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Yon ti koze sou lanmò Janus lan; Konbit kominote a te fè pou lantèman Kamarad Weber; Enpòtans pou nou chanje chemiz pou moun ki swe pou nou

Liy ouvè ak oditè yo

Refleksyon sou dekrè ti tchoul restavèk lakay yo pran yon lòt fwa ankò sou zafè transfè lajan dyaspora a voye lakay

Emisyon Eritye Papa Desalin pou madi 16 jen 2020

Entwodiksyon - Mizik Kiki Wainwright - Fò n Lite

Mobilizasyon lari a ap fè tout politisyen yo bat kò yo, chikin kò yo kòmkwa yo kanpe ak pèp la pandan dosye yo la pou montre se ak polis yo kanpe pandan tout karyè yo

Nou remèsye tout fanmi ki te rele seswa nan radyo a oswa nan telefòn pou salye mwen ak Roselyn nan okazyon 24 lannen maryaj nou

Repòtaj Kay Vwazen ak sè nou Altagracia Jean Joseph

Mobilizasyon pou manifestasyon December 12th Movement ap òganize devan City Hall nan Manhattan Vandredi 19 jen a midi

Gwo konpayi teknoloji yo (Facebook, Google, Microsoft, Verizon, AT&T) ap mete deklarasyon, kriye nan mouchwa yo pou George Floyd anmenm tan yo bay lapolis atravè Etazini tout zouti pou touye epi toupizi moun nwa ak malere nan lari a

Ti koze ak sè nou Darnell Benoit sou gwo travay atis pent ap fè pou lonje dwèt sou rasism nan sosyete a nan mitan Fulton Street nan Bedstuy

Liy ouvè ak oditè yo

Anons