Sit Podcast Eritye Papa Desalin

Emisyon Eritye Papa Desalin pou madi 27 out 2019

August 27, 2019

Entwodiksyon - Mizik Kiki Wainwright - Fò n Lite

Nou salye fanmi ak zanmi konpatriyòt Hervey Coty, lantèman li te fèt wikenn ki sot pase a

Samdi a se te jounen fanmi ak zanmi te sonje Nicholas Heyward Jr, yon jèn gason nwa 13 lannen lapolis NY te sasinen nan lannen 1993; Nou te tou pwofite sonje papa li, frè nou Nicholas Heyward Sr ki fè travèse li 31 desanm 2018 la

Ti ranmase sou aktivite fundraiser KOMOKODA te òganize dimanch lan ak ti frè nou Kebert Bastien pou n te ka jwenn mwayen mennen yon kanpay kòrèk kont Martelly, Jovenel, ak Nicolas Duvalier nou tande k ap pase nan kominote a nan jou k ap vini yo

Konbit pou mobilizasyon koukouwouj nan tout wikenn nan pou manifeste kont prezans Mateli toupatou li pran chans parèt tèt li epi manifestasyon kont pwomotè Richard Urbain k ap ede Mateli lave kòb li vòlò nan peyi nou

Ti koze ak frè nou Alain Zephyr, responsab nan òganizasyon Renouveau Democratique sou kanpay kont Martelly nan Labor Day a epi kont Richard Urbain k ap ede Martelly lave kòb nan NY la

Mobilizasyon pou kominote a pote kole ak Renouveau Democratique ki lanse yon manifestasyon 11am jedi devan Bayview Medical Care ki nan 2098 Rockaway Parkway nan Brooklyn nan epi 11am Vandredi maten devan Linden Medical Care ki nan 225-21 Linden Blvd. nan Cambria Heights, tou 2 se biznis Richard Urbain epi l sèvi ak yo pou l fè pwomosyon pou aktivite li ak Martelly 

Liy ouvè ak oditè yo

Repòtaj Kay Vwazen ak sè nou Altagracia Jean Joseph ki nan Repiblik Dominikèn

Anons