Sit Podcast Eritye Papa Desalin

Emisyon Eritye Papa Desalin pou madi 10 novanm 2020

Entwodiksyon - Mizik Kiki Wainwright - Fò n Lite

Ayibobo pou pèp Bolivi a ki repran pouvwa dimanch la apre yon lannen koudeta; Ayibobo pou Prezidan Evo Morales ki retounen an gran jan lakay li yè lendi a

3 jèn gason ki nan men lapolis Ayisyen konfese pou kidnaping ak sasinay Evelyne Sincere

Manifestasyon Pòtoprens pou voye Jovenel ak PHTK ale

Yon Ayisyen yo di ki fou kraze yon estati Janjak Desalin nan vil Okap; "Moun fou" an di se Papa Desalin menm ki mande l retire l kote yo mete l la

Repòtaj Kay Vwazen ak sè nou Altagracia Jean Joseph ki nan Repiblik Dominikèn

Ti koze ak sè nou Darnell Benoit sou pwojè "Merite pa Mande" fanmi nan Vandredi Anba Tonnèl yo te òganize pou pote kole ak fanmi k pa gen papye pandan kovid-19 la t ap ravaje zòn NY la

Liy ouvè ak oditè yo

Nou fè ti koze ak sè nou Èzili Dantò sou Ayisyen k ap atake l pou pozisyon prensip li pran nan chirepit Trump-Biden nan

Liy ouvè ak oditè yo

Anons

Emisyon Eritye Papa Desalin pou lendi 9 novanm 2020

Entwodiksyon - Mizik Kiki Wainwright - Fò n Lite

Ane sa a, akoz kowonaviris la, nou pa p òganize otobis pou ale nan pelerinaj anyèl "Jounen Nasyonal Dèy" fanmi Endijèn yo òganize nan Plymouth, MA

2  ti mo sou rezon ki fè plizyè peyi ki granmoun tèt yo tankou Lachin ak Larisi panko voye konplimante Biden apre rezilta laprès bay samdi k sot pase a

Pandan Gouvènman ti komik Ayiti a kenbe se 63 goud ki ta dwe boukante pou yon dola Meriken, si w bezwen dola ann Ayiti se nan lari a pou w al achte l epi ou bije bay 80 goud pou dola a

Ranmase sou rankont Vandredi Anba Tonnèl 6 novanm 2020 an ak sè nou Fabyèn Yasent

Nou salye frè nou Celome Jean Pierre ki pèdi madanm li, Madam Erene Jean Pierre

Levanjil Liberasyon an ak frè nou Prince Tiecoura Dorleans Dessalines

Ti koze ak sè nou Ninaj Raoul sou manifestasyon yo te òganize yè pou resevwa otobis National TPS Alliance lan ki te pase nan Brooklyn nan pandan y ap fè wonn peyi Etazini; Nou pase entèvyou nou te fè ak William Martinez ki se yonn nan fanmi nan bis la ki soti El Salvador

Lantèman Gregory St Hilaire chante samdi a nan Wanament

Ti vòlè Jovenel Moise di l ap tann tout dyaspora pou vin fete fèt fen lannen an lakay yo pou yo pote dola nan peyi a

Gwo Bravo pou Premye Minis Sen Vensan ak Grenadin nan Ralph Gonsalves ki pran yon 5yèm manda Jedi k sot pase a

Refleksyon nou sou sa k soti jiskaprezan nan eleksyon Etazini ki fèt madi pase a

Liy ouvè ak oditè yo

Emisyon Eritye Papa Desalin pou madi 3 novanm 2020

Entwodiksyon - Mizik Kiki Wainwright - Fò n Lite

Refleksyon nou sou eleksyon k ap fèt Ozetazini jodi a

Ti koze ak frè nou Yves Pierre Louis (PL), ki se responsab nan Radyo Timoun sou Òganizasyon Politik Fanmi Lavalas k ap fete 24yèm anivèsè nesans li jodi a

Nou jete dlo pou ti sè nou Evelyne Sincère rejim PHTK a sasinen; Nou voye fòs, kouraj, ak lanmou pou fanmi li

Liy ouvè ak oditè yo

Emisyon Eritye Papa Desalin pou lendi 2 novanm 2020

Entwodiksyon - Mizik Kiki Wainwright - Fò n Lite

Nou jete dlo pou Vanyan Chalmay Peralt ki ban nou ankourajman pou nou viv kou moun

Nou salye tout eskòt Gede a ak tout Ayisyen ki anbwase tèt yo kòmsadwa san yo wont, san yo pa jennen

Madichon pou tout aryennafè ki konprann viktwa chen Trump oswa chen Biden pral pote yon ti souf pou malere toupatou Etazini met jenou l sou kou yo

Ranmase sou rankont Vandredi Anba Tonnèl 30 oktòb 2020 an ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Laviktwa ap toujou pou sa k konnen ki ès yo ye epi ki konnen pou ki sa y ap batay

Liy ouvè ak oditè yo

Lyen pou fanmi ki vle jwi plis K-Dja Ginen Gede 2020:
https://www.youtube.com/watch?v=ZDtlI1i2XWA

Emisyon Eritye Papa Desalin pou madi 27 oktòb 2020

Entwodiksyon - Mizik Kiki Wainwright - Fò n Lite

Salitasyon espesyal pou manm fanmi Radio Omega SCA yo ki rann nou yo gwo sèvis ki demontre depi nan Ginen Nèg ap ride Nèg

Repòtaj Kay Vwazen ak sè nou Altagracia Jean Joseph ki nan Repiblik Dominikèn: Altagracia fè ti koze ak frè nou Ramon Britis Laureano ki se pitit yon fanm Dominikèn ak yon konpatriyòt Ayisyen

Demen se anivèsè nesans sè nou Altagracia: Nou swete fanmi an yon Bòn Fèt!

Nouvèl
-Chanm Sena Meriken an vote Jij Amy Coney Barrett kòm ranplasan Jij Ruth Bader Ginsburg nan Lakou Siprèm nan
-Atis Kanye West fè konnen pandan ti sejou li ann Ayiti mwa pase a Jovenel Moise fè l kado yon zile nan peyi a pou l devlope; Joseph Jouthe di se pa vre
-Tom Brokaw nan Medya NBC rapòte Jeanine Anez ki te deklare tèt li prezidan apre koudeta kont Evo Morales nan Bolivi a mande Etazini 350 viza pou limenm ak pwòch li ka jete yo
-Tout moun ap chache konnen ki politisyen ki nan pale ak Jovenel Moise 

Liy ouvè ak oditè yo

Anons

Emisyon Eritye Papa Desalin pou lendi 26 oktòb 2020

Entwodiksyon - Mizik Kiki Wainwright - Fò n Lite

Ranmase sou rankont Vandredi Anba Tonnèl 26 oktòb 2020 an ak sè nou Fabyèn Yasent

Mèkredi 28 oktòb la, nou va selebre Jounen Entènasyonal Kreyòl

Levanjil Liberasyon an ak frè nou Prince Tiecoura Dorleans Dessalines

Repibliken yo nan chanm sena Meriken an di wè pa wè 7:30 aswè a y ap vote Jij Amy Coney Barrett kòm ranplasan Ruth Bader Ginsburg nan Lakou Siprèm peyi yo

Gwo liy nan plizyè eta pou Meriken al vote anvan lè pou yo chwazi ant yon entatad ak yon chen

Gwo difikilte pou plizyè milye Ayisyen san papye nan zile Ladominik; Nou pase entèvyou yon jounalis Ladominik fè ak kèk Ayisyen k ap viv nan peyi sila a

Emisyon Eritye Papa Desalin pou madi 20 oktòb 2020

Entwodiksyon - Mizik Kiki Wainwright - Fò n Lite

Salitasyon pou tout fanmi ki branche k ap koute emisyon an

Ti koze ann Angle ak Carl Dix ki se responsab Pati Kominis Revolisyonè sou mobilizasyon k ap fèt jedi 22 oktòb la pou denonse maspinay ak sasinay lapolis

Ranmase an Kreyòl sou ti pale nou fè ak Carl Dix lan

Nouvèl:
-Negosyasyon yo mare ant chanm depite Meriken an ak Laprezidans pou yon lòt ti kòb kowonaviris ta tonbe nan men moun k ap viv Ozetazini anvan eleksyon 3 novanm nan
-Gwo selebrasyon pèp Bolivyen an apre viktwa pati MAS ansyen prezidan Evo Morales ap dirije
-Apre etap poze kesyon an se Jedi 22 oktòb la komite Jidisyè nan chanm Sena Meriken an pral vote si wi ou non y ap voye Jij Amy Coney Barrett la monte
-Apre nouvo gouvènman peyi Soudan an dakò pou derape relasyon diplomatik ak Izrayèl, Etazini dakò retire Soudan nan lis peyi k ap soutni teworis
-Lajistis peyi Lafrans deside enkilpe ansyen prezidan Nicolas Sarkozy pou asosyasyon malfektè epi vyolasyon lwa kanpay elektoral dèske li te pran 50 milyon Ewo nan men Muammar Kadafi pou l te fè kanpay elektoral an 2007

Liy ouvè ak oditè yo

Emisyon Eritye Papa Desalin pou lendi 19 oktòb 2020

Entwodiksyon - Mizik Kiki Wainwright - Fò n Lite

Nou jete dlo pou Vanyan Maurice Bishop alatèt revolisyon peyi Grenad ki te tonbe nan pye travay li 19 oktòb 1983 ak Vanyan Samora Machel ki te mouri akoz zak teworis rasis gouvènman Afrikdisid 19 oktòb 1986

Nou salye oditè emisyon an Madam Nicole Renaud ki te selebre anivèsè nesans li yè dimanch 18 oktòb la

Ranmase sou rankont Vandredi Anba Tonnèl 16 oktòb 2020 an ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Ti koze ak ti frè nou Kebert Bastien ki nan zòn nan ansanm ak nou

Nou salye kouraj pèp peyi Bolivi ki ranpòte yon kokenn viktwa nan eleksyon lakay yo yè dimanch la

Emisyon Eritye Papa Desalin pou madi 13 oktòb 2020

Entwodiksyon - Mizik Kiki Wainwright - Fò n Lite

Ayibobo pou tout moun ki te manifeste atravè mond lan yè pou denonse kadejakè ki te rele Kristòf Kolon an

Nou salye fanmi k rele nou apre emisyon yè a pou pataje refleksyon yo sou analiz nou te fè pou ankouraje dyaspora a sèvi ak zam ki nan men nou an pou n ede pèp Ayisyen an libere tèt yo de apatrid lènmi nou yo mete alatèt leta nan peyi nou

Repòtaj Kay Vwazen ak sè nou Altagracia Jean Joseph ki nan Repiblik Dominikèn sou 83yèm anivèsè masak Trujillo te fè sou Ayisyen nan peyi sila a

Nouvèl:
-Majistra lavil NY la Bill deBlasio fè konnen se yon sèl moun yo jwenn ki pozitiv pou kowonaviris la nan 1700 elèv ak anplwaye yo teste
-Pwosesis pou mete Amy Coney Barrett chita nan plas Ruth Bader Ginsburg nan Lakou Siprèm Meriken an ap pousuiv chimen li
-Sasinay gadkò Youry Latortue nan Dèlma;
-Ti komik Jovenel Moise mande jistis pou etidyan Gregory Saint Hilaire pwòp gadpalè pa li sasinen
-Yon batiman kanntè ak 23 Ayisyen ateri nan Palm Beach, nan Florid epi yon lòt ki te chaje ak 206 Ayisyen ateri nan Caicos Vandredi k sot pase a
-Eleksyon ta dwe fèt nan peyi Bolivi dimanch 18 oktòb k ap vini an epi tout siy ta fè kwè se Luis Arce, kandida pati MAS ansyen prezidan Evo Morales ap dirije a ki ta dwe ranpòte laviktwa

Liy ouvè ak oditè yo

Anons

Emisyon Eritye Papa Desalin pou lendi 12 oktòb 2020

Entwodiksyon - Mizik Kiki Wainwright - Fò n Lite

Nou di matant nou ki se marenn nou tou Bernadette Pierre Bòn Fèt; salye sè nou Yolette Jules (Joujou), lantèman papa li Mesye Nicolas Jules te fèt samdi k sot pase a; Jodi a se jou moun isit yo fete Kristòf Kolon; Nou jete dlo pou Vanyan Che Guevara, 9 oktòb 2020 an fè 53 lannen depi l tonbe nan pye travay li

Ranmase sou rankont Vandredi Anba Tonnèl 9 oktòb 2020 an ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Apre prèske 50 lannen prizonye politik Meriken Nwa Jalil Mutaqim jwenn liberasyon li

Gwo dosye jounen an se Moneygram ki mete anons deyò pou di yo pa p ka kontinye kouvri frè $1.50 sou chak transfè k ap rantre Ayiti yo. Kounyè a dyaspora a pa gen okenn biznis transfè pou n voye kòb san nou pa bay vòlè dola senkant

Mannigèt goud yo fè konprann ki double fòs sou dola a pa plis ke yon lòt mannèv pou vòlè yo rele gouvènman Ayisyen an foure men pran mwatye nan tout dola dyaspora a voye nan peyi a: Baton nan men nou epi nou kite chen ap mòde n