Sit Podcast Eritye Papa Desalin

Emisyon Eritye Papa Desalin pou madi 20 avril 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Nou nan manifestasyon KOMOKODA devan Konsila Ayisyen nan NY la: 815 2nd Avenue, ant 43yèm ak 44yèm Streets pou n denonse Jovenel Moise-PHTK ak òganizasyon sondaj malatchong BRIDES ki soti pou fè kwè 90% dyaspora a sipòte koze konstitisyon PHTK a; N ap rele Aba konstitisyon malatchong Meriken-PHTK a!; Aba eleksyon pike kole Meriken-PHTK a!

Nou fè ti pale sou chemen k te mennen nan manifestasyon istorik 20 avril 1990 la epi chimen k mennen KOMOKODA devan Konsila Ayiti nan NY la jodi a

Repòtaj Kay Vwazen ak sè nou Altagracia Jean Joseph ki nan Repiblik Dominikèn

Enfòmasyon ki tonbe pou di gouvènman Meriken an deside bay yon "stimulus" siplemantè pou moun ki rapòte yo fè mwens kòb an 2020 an ke yo te fè an 2019; Se moun ki ranpli deklarasyon enpo yo pi bonè k ap gen chans jwenn kòb diplis sila a

Kidnapè "Lanmò San Jou" chèf gang 400 Mawozo ta pran lapawòl pou l di moun legliz katolik yo nan men li, li pa gen lopital, li pa gen manje pou l pa yo kidonk si mèt yo bezwen yo, se pou yo mache kòrèk sou li; Epi li tou di Lafrans pinga li bliye konbyen kòb li dwe Ayiti

Nou pale ak detwa nan fanmi ki la ansanm ak nou nan manifestasyon KOMOKODA devan konsila a

Emisyon Eritye Papa Desalin pou lendi 19 avril 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Mobilizasyon: KOMOKODA ap manifeste 20 avril la, Midi-6pm devan Konsila Ayisyen nan NY la: 815 2nd Avenue, ant 43yèm ak 44yèm Streets

Ranmase sou Vandredi Anba Tonnèl pou Vandredi 16 avril 2021 ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Yè dimanch lan, vòlkan La Soufriere lan eklate ankò nan St Vincent & the Grenadines; Nou pale ankò ak Brother Atiba Williams sou dènye devlopman yo epi sou travay pou jwenn sipò pou fanmi yo

Nouvèl:
-Gouvènman Biden nan siyen kontra ak divès peyi Amerik Santral la pou yo angaje militè peyi yo pou anpeche refijye travèse vin mande azil Ozetazini
-Raul Castro demisyone alatèt Pati Kominis Kiben an; Miguel Diaz-Canel ki Prezidan peyi a depi oktòb 2019 monte ranplase li
-Israel atake laboratwa nikleyè Iranyen nan Natanz

Mobilizasyon: KOMOKODA ap manifeste 20 avril la, Midi-6pm devan Konsila Ayisyen nan NY la: 815 2nd Avenue, ant 43yèm ak 44yèm Streets

Liy ouvè ak oditè yo

Joe Biden ap fè tout kalite mannèv pwovokasyon kont Larisi, Lachin, ak Iran

Mobilizasyon: KOMOKODA ap manifeste 20 avril la, Midi-6pm devan Konsila Ayisyen nan NY la: 815 2nd Avenue, ant 43yèm ak 44yèm Streets

Emisyon Eritye Papa Desalin pou madi 13 avril 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Mobilizasyon pou dyaspora a toupatou ta kanpe nan jou 20 avril la ki make kòm Jounen Nasyonal Dyaspora Ayisyen pou manifeste kont manti BRIDES ak PHTK ki ta vle fè konprann 9 sou chak 10 Ayisyen k ap viv deyò peyi a sipòte pwojè konstitisyon malatchong PHTK a ak eleksyon pike kole yo di y apral fè a: KOMOKODA ap manifeste 20 avril la, 3pm-6pm devan Konsila Ayisyen nan NY la: 815 2nd Avenue, ant 43yèm ak 44yèm Streets

Repòtaj Kay Vwazen ak sè nou Altagracia Jean Joseph ki nan Repiblik Dominikèn

Segman Zafè Kay ak sè nou Michelle ki nan Flatbush nan Brooklyn nan

Nou bay lis fanmi k ap chache kay pou lwe ak kay pou vann ak fanmi k genyen kay pou lwe epi pou vann

Nouvèl:
-Akoz Kovid-19 la Gouvènman Meriken an ranwyaye dat limit pou moun k ap viv Ozetazini ranpli enpo yo (income tax) pou 17 me olye de 15 avril ki se dat abityèl la
-Yè 12 avril la se te premye jou moun ki te fè lantèman yon fanmi akoz Kovid-19 la te ka rele nimewo telefòn 844-684-6333 pou ranpli aplikasyon FEMA pou leta ranbouse yo jiska $9,000 nan lajan yo te depanse pou lantèman sa a
-Dezyèm tou eleksyon fèt nan peyi Ekwatè dimanch ayè a; Moun ki t ap konte vòt yo fè konnen se kandida ladwat la Guillermo Lasso ki pote laviktwa ak 52% vòt yo
-Polisye ki sasinen Daunte Wright nan Brooklyn Park nan Minesota fè konnen se yon erè li fè: lè l rale zam nan li te konprann se "taser" a ki te nan men li
-Leta NY anonse li mete 2.1 milya dola akote pou ede moun ki pa gen papye ki pèdi djòb yo pandan Kovid-19 la chak ta ka jwenn jiska $15,600; Nou di fanmi nou yo ki pa gen papye, pinga!

Ti koze ak aktivis Anthony Beckford ki kandida pou ranplase Farah Louis nan "City Council" New York la pou 45yèm district la

4-12-21 EPD Interview with Atiba Williams on St Vincent & Grenadines Volcano Tragedy

Interview in English with Brother Atiba Williams of SVG, Inc. on the La Soufriere Volcano Tragedy

-What happened?

-Overview of St Vincent and the Grenadines

-Relief efforts

Emisyon Eritye Papa Desalin pou lendi 12 avril 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Mobilizasyon pou dyaspora a toupatou ta kanpe nan jou 20 avril la ki make kòm Jounen Nasyonal Dyaspora Ayisyen pou manifeste kont manti BRIDES ak PHTK ki ta vle fè konprann 9 sou chak 10 Ayisyen k ap viv deyò peyi a sipòte pwojè konstitisyon malatchong PHTK a ak eleksyon pike kole yo di y apral fè a: KOMOKODA ap manifeste 20 avril la, 3pm-6pm devan Konsila Ayisyen nan NY la: 815 2nd Avenue, ant 43yèm ak 44yèm Streets

Levanjil Liberasyon an ak frè nou Prince Tiecoura Dorleans Dessalines

Ranmase sou Vandredi Anba Tonnèl pou Vandredi 9 avril 2021 ak sè nou Fabyèn Yasent

Nouvèl:
-Pandan tout je fikse sou jijman polisye Derek Chauvin ki te sasinen George Floyd, yon lòt polisye blan touye Daunte Wright, yon jèn gason nwa 20 lannen
-Òganizasyon RNDDH pibliye yon rapò sou dènye masak gwoup G9 la ta fè nan Bèlè 31 mas ak Premye avril ki sot pase a
-Jounal Haiti Liberté tanmen yon kanpay pou fè Jimmy "Babekyou" Cherizier ak gwoup asasen, kidnapè, kadejakè G9 yo pase pou konbatan lalibète
-Fwa sa a se legliz katolik ki yon lòt fwa ankò viktim kidnaping
-15 me 2021 an se delè pou tout moun ki gen sousi pou enfòmasyon prive yo ak lis kontak ki nan telefòn yo vire do bay Whatsapp

Ti koze ak Brother Atiba Williams, yon fanmi k soti nan zile St Vincent ak Grenadines sou dega vòlkan ki eksploze Vandredi a fè nan peyi sila a

Liy ouvè ak oditè yo

Mobilizasyon pou dyaspora a toupatou ta kanpe nan jou 20 avril la ki make kòm Jounen Nasyonal Dyaspora Ayisyen pou manifeste kont manti BRIDES ak PHTK ki ta vle fè konprann 9 sou chak 10 Ayisyen k ap viv deyò peyi a sipòte pwojè konstitisyon malatchong PHTK a ak eleksyon pike kole yo di y apral fè a: KOMOKODA ap manifeste 20 avril la, 3pm-6pm devan Konsila Ayisyen nan NY la: 815 2nd Avenue, ant 43yèm ak 44yèm Streets

Emisyon Eritye Papa Desalin pou madi 6 avril 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Nou pa nan bouk la; Nou remèsye sè nou Angelique ki kenbe tab kontwòl la pou nou

-Move tan frape zòn Gran Nò a ak Plato Santral; Li pote inondasyon ak lanmò; Se noumenm Ayisyen anndan ak deyò peyi a ki gen responsabilite pou kanpe yon gouvènman ki va bay lavi ak byennèt Ayisyen valè

Repòtaj Kay Vwazen ak sè nou Altagracia Jean Joseph ki nan Repiblik Dominikèn

N ap korije erè nou te fè yè nan nouvèl sou pwogram FEMA pou ranbouse fanmi k te peye lantèman pou moun yo yo te antere akoz maladi Kovid la: Pwogram nan se pou tout moun ki mouri Kovid apre 20 janvye 2020

Nouvèl
-Attorney General eta New York la Letitia James siyen yon dekrè pou anpeche ajans leta ak biznis prive sezi lajan "stimulus" moun k ap viv nan eta a
-Nou sezi wè fason anpil moun ap plenyen Ayiti pa jwenn vaksen Kovid pandan reyalite demontre pa gen Kovid ann Ayiti

Liy ouvè ak oditè yo

Emisyon Eritye Papa Desalin pou lendi 5 avril 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Ranmase sou Vandredi Anba Tonnèl pou Vandredi 2 avril 2021 ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Enpòtans pou n genyen mwayen politik nou; pou dyaspora a mezire longè ponyèt nou epi pou n sispann ap rale rigwaz nou sou pèp la anndan peyi a kòmkwa li ta dwe ap fè x, y, z pandan noumenm ...

Nouvèl:
-Òganizasyon Mondyal Lasante envite Dr. William Pape ki responsab Sant Gheskio yo ann Ayiti pou Inivèsite Cornell nan New York vin fè pati Konsèy Syantifik òganizasyon sila a
-Ajans Federal Meriken FEMA anonse yon pwogram pou ranbouse lajan lajan lantèman moun ki mouri akoz Kovid-19 la isit Ozetazini apre 20 Janvye 2020

Liy ouvè ak oditè yo

Konpayi enfòmasyon LexisNexis siyen yon kontra ak ICE pou founi yo enfòmasyon pou yo ka lokalize imigran san papye nan peyi Etazini

Emisyon Eritye Papa Desalin pou madi 30 mas 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Nou eskize nou dèske emisyon an pa t fèt yè

Ti ranmase sou divès manifestasyon ki te fèt yè nan kad Jounen Entènasyonal Solidarite ak Ayiti atravè mond lan epi manifestasyon nan NY la KOMOKODA te òganize devan Misyon Etazini nan LONI, Midi pou 3PM

Repòtaj Kay Vwazen ak sè nou Altagracia Jean Joseph ki nan Repiblik Dominikèn

Ranmase sou Vandredi Anba Tonnèl pou Vandredi 26 mas 2021 ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Segman Zafè Kay ak sè nou Michelle ki nan Flatbush nan Brooklyn nan

Nouvèl
-Gouvènè Eta Virginia siyen lwa pou fini ak pèn lanmò nan eta sila a
-Avoka Fred Smith nan Bahamas denonse mannèv rasis peyi sila a pou elimine kominote Ayisyen nan yon seri zòn yo abitye viv nan peyi sila a
-Nou jete dlo pou militan feminis Ejipsyen Dr. Nawal El-Saadawi ki fè travèse li nan peyi sila a nan laj 89 lannen

Liy ouvè ak oditè yo

 

Emisyon Eritye Papa Desalin pou madi 23 mas 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

KOMOKODA ap patisipe nan Jounen Solidarite Entènasyonal ak Ayiti lendi 29 mas 2021: N ap manifeste devan Misyon Etazini nan LONI, Midi pou 3PM

Nou bay lis fanmi k ap chache kay pou lwe ak kay pou vann ak fanmi k genyen kay pou lwe epi pou vann

Segman Zafè Kay ak sè nou Michelle ki nan Flatbush nan Brooklyn nan

Nouvèl:
-Gwo nouvèl Ozetazini jodi a se atak ak zam fann fwa yon jèn gason k rele Ahmad Al-Issa fè nan Colorado
-Atak rasis k ap fèt sou moun dorijin Azyatik k ap viv Ozetazini apre Donald Trump ak lòt rasis nan peyi a chache lage responsabilite orijin kowonaviris la sou do Lachin
-Rapò sou rasis ak diskriminasyon k ap fèt nan sistèm tribinal nan eta New York

Refleksyon nou sou asasen vòlè pyon Meriken Reginald "Reggie" Boulos ki soti pou fè Ayisyen pran l pou sovè k ap vin retire nou atè a ak yon mouvman "Twazyèm Vwa"

-Pòt pawòl Mezon Blanch Karine Jean Pierre fè konnen se yon gwo van k t ap vante nan ayewopò Washington nan ki fè Joe Biden te tonbe 3 fwa pandan l t ap monte mach eskalye avyon pou l t al Georgia
-Gouvènmen Meriken an anonse ap genyen yon lòt depozit to tchotcho "stimulus" la k ap fèt demen epi yo panko mete pou moun ki resevwa Social Security epi k pa ranpli enpo yo
-Dr. William Pape fè je l chèch pou l mande Ayisyen aliyen yo pou y al pran vaksen kovid la malgre pwòp chif gouvènman restavèk la di se 251 moun ki mouri akoz maladi sila a nan peyi a

Liy ouvè ak oditè yo

KOMOKODA ap patisipe nan Jounen Solidarite Entènasyonal ak Ayiti lendi 29 mas 2021: N ap manifeste devan Misyon Etazini nan LONI, Midi pou 3PM

Anbasad Meriken dekrete Fantòm 509 yon òganizasyon kriminèl teworis apre ensidan kote yo di gwoup sila a te bloke otobis ekip foutbòl peyi Beliz ki rantre nan peyi a yè pou yon match entènasyonal

Emisyon Eritye Papa Desalin pou lendi 22 mas 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Nou swete gran frè nou Ralph Poynter yon Bòn Fèt: Yè dimanch lan li selebre 87yèm anivèsè nesans la epi l toujou Djanm sou beton an

Nou salye memwa frè nou Gary Olibrice ki fè travèse li depi Vandredi 19 mas ki sot pase a

Mobilizasyon pou Jounen Solidarite Entènasyonal ak Ayiti lendi 29 mas 2021: N ap manifeste devan Misyon Etazini nan LONI, Midi pou 3PM

Ranmase sou Vandredi Anba Tonnèl pou Vandredi 19 mas 2021 ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines; Nou fè ti koze sou 219yèm anivèsè Batay Lakrètapyewo a

Nouvèl:
-Joe Biden fè ti atak rizib sou Vladimir Putin. Putin pase Biden nan betiz
-Sèvis Sekrè Meriken arete yon ansyen sòlda Meriken ak gwo zam fann fwa nan machin li arebò kay Vis Prezidan Kamala Harris
-Chanm Depite Meriken an vote yon pwojè lwa ki ta dwe bay "Dreamers" yo, moun ki gen TPS yo, ak imigran san papye k ap travay latè rezidans pèmànan
-OEA pran yon rezilisyon tèt chat sou dosye Ayiti a
-Bagay la tèlman lèd pou yo PHTK angaje yon 4yèm biznis Lòbiyis pou chache pwòpte dosye yo nan figi patwon yo Ozetazini
-òganizasyon BRIDES k ap mennen mannigèt pou Meriken ann Ayiti fè konnen 87.1% dyaspora a dakò ak pwojè konstitisyon Jovenel la epi plis pase 70% dyaspora a di l ap rantre al vote malpwòpte a

Mobilizasyon pou Jounen Solidarite Entènasyonal ak Ayiti lendi 29 mas 2021: N ap manifeste devan Misyon Etazini nan LONI, Midi pou 3PM

Liy ouvè ak oditè yo

Facebook ap fè yon nouvo mannèv pou fòse moun k ap sèvi ak Whatsapp yo ba li dwa pataje enfòmasyon prive yo ak lòt biznis li posede