Sit Podcast Eritye Papa Desalin

Emisyon Eritye Papa Desalin pou lendi 21 jen 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Mobilizasyon KOMOKODA pou kominote a manifeste pou pote kole ak pèp Ayisyen an anndan peyi a rive bloke eleksyon pike kole Meriken-UN-Core Group-OEA a epi pou dechouke Jovenel Moise:
Jedi 24 jen, 3pm-6pm devan Misyon Etazini nan Loni devan Nasyonzini

Nou voye fòs, kouraj, ak lanmou pou frè nou Robby Boisette ak fanmi li; Lantèman manman li Marie "Bernadette" Boisette

Nou voye fòs, kouraj, ak lanmou pou fanmi sè nou Myriam Augustin nan okazyon travèse li; Yon "memorial" ap fèt pou Myriam Mekredi 23 jen an a, 5pm-7pm, nan Frederick Funeral Home, 192-15 Northern Blvd. nan Flushing

Ranmase sou Vandredi Anba Tonnèl pou Vandredi 18 jen 2021 ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Nouvèl:
-Enfòmasyon tonbe pou di Prezidan Aristide teste pozitiv pou kovid-19; Nou voye fòs pou li epi nou swete l rejwenn sante l prese prese
-Semèn pase a lejislatè Meriken yo vote pou 19 jen vin yon jou ferye pou onore jou sila a nan lannen 1865 moun nwa ki te nan lesklavaj nan Gavelston, Texas vin konnen lesklavaj te bout
-Peyi G7 yo te rasanble nan Angletè pou yo deside jan y ap koupe rache mond la epi ki kantite vaksen kovid yo deside pataje ak rès mond lan
-Demen se jou eleksyon "Primary" Ozetazini; Nou ankouraje fanmi ki nan Brooklyn ki gen dwa vote jete yon bilten pou kandida sila yo:
--Edwin Raymond pou ranplase Mathieu Eugene nan District 40 la
--Anthony Beckford pou ranplase Farah Louis nan District 45 la
--Mercedes Narcisse pou ranplase Alan N. Maisel nan District 46

Liy ouvè ak oditè yo

Emisyon Eritye Papa Desalin pou madi 15 jen 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Nou voye fòs, kouraj, ak lanmou pou fanmi Evelyn Laroche nan okazyon travèse li; Lantèman an te fèt maten an

Nou voye fòs, kouraj, ak lanmou pou frè nou Robby Boisette ak fanmi li nan okazyon travèse manman li Marie "Bernadette" Perez

Repòtaj kay Vwazen ak sè nou Altagracia Jean Joseph ki nan Repiblik Dominikèn

Mobilizasyon KOMOKODA pou kominote a manifeste pou pote kole ak pèp Ayisyen an anndan peyi a rive bloke eleksyon pike kole Meriken-UN-Core Group-OEA a epi pou dechouke Jovenel Moise:
Jedi 24 jen, 3pm-6pm devan Misyon Etazini nan Loni devan Nasyonzini

Trak ap sikile pou di dimanch 10 jiyè chawony nan Michel Martelly ap vin fè bal nan yon espas nan Brooklyn nan ki rele Bentley's; N ap mande kominote a rele pwopriyetè biznis sila a ki rele Carl nan 347-584-9978 pou di l anile bal sa a

Nouvèl:
-Jounal Haitian Times pibliye yon atik pou di gen Ayisyen k ap peye yon seri vòlè jiska $5,000 vèt pou regle koze TPS pou yo pandan aplikasyon panko menm deyò; N ap redi kominote a pa kite chalatan fè ladènye sou yo
-Apre 12 lannen Benjamin Netanyahu pèdi pouvwa l kòm premye minis peyi Israel; Naftali Bennett se nouvo premye minis la; li parèt msye ta menm pi rasis, pi asasen pase Netanyahu
-Se posib popilasyon Peru pral blije tann yon bon nout tan pou konnen ki lès konsèy elektoral peyi sila a ap deklare ki genyen 2yèm tou eleksyon pou prezidan an

Ti koze ak Mercedes Narcisse nou ankouraje Ayisyen nan District 46 la ki gen dwa vote pou yo vote pou ranplase Alan Maisel nan NYC Council la

Emisyon Eritye Papa Desalin pou lendi 14 jen 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Levanjil Liberasyon an ak frè nou Prince Tiecoura Dorleans Dessalines

Ranmase sou Vandredi Anba Tonnèl pou Vandredi 4 jen 2021 ak sè nou Fabyèn Yasent

Rapò sou manifestasyon KOMOKODA te fè jedi pase a k te 10 jen 2021

Lapolis lavil NY revele anvan li mouri Romy Vilsaint te di yo lòt timoun nan lekòl li te ba li yon gwo kout pwen nan tèt men malgre sa yo vle fè kwè se yon ilsè ki touye l; Pou ki sa nou kwè kominote a dwe goumen jiskaske Tiffany Frazier ki se direktris lekòl la pèdi djòb li pou neglijans ak enkonpetans

Ti koze ak Lyetnan Edwin Raymond nou ankouraje Ayisyen nan District 40 la ki gen dwa vote pou yo vote pou ranplase Mathieu Eugene

Ti koze ak aktivis Anthony Beckford nou ankouraje Ayisyen nan District 45 la ki gen dwa vote pou yo vote pou ranplase Farah Louis

Nou ankouraje Ayisyen k nan District 46 la ki gen dwa vote pou yo vote pou Mercedes Narcisse pou ranplase Alan Maisel

Trak ap sikile nan lari a kòmkwa Chawony nan Michel Martelly ap vin jwe bal nan yon espas ki rele Bentley's nan Brooklyn nan; Nou mande kominote a rele mèt espas la ki rele Carl nan nimewo 347-584-9978 pou fè l konnen Martelly se yon asasen k responsab gang k ap touye moun ann Ayiti epi se plis pase 2 milya dola Petrocaribe ki fonn nan men l, se yon "persona non grata" li ye nan kominote a

Emisyon Eritye Papa Desalin pou madi 8 jen 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Ti koze ak sè nou Mamyrah Dougé Prosper, ki lakay sou jenosid k ap fèt nan katye popilè yo; sou delegasyon OEA ki nan peyi a; sou travay Kowalisyon Leve Kanpe a
(Nou eskize nou paske nou rate anrejistreman yon bon pati nan ti koze nou ak Mamyrah akoz yon ti fikilte teknik)

Mobilizasyon KOMOKODA pou kominote a manifeste pou pote kole ak pèp Ayisyen an anndan peyi a rive bloke referanndòm bidon 27 jen an epi pou dechouke Jovenel Moise:
-jedi 10 jen, 3pm-6pm devan Misyon Etazini nan Loni devan Nasyonzini

Nouvèl:
-Ayè lendi a, Lakou Siprèm Meriken deside moun ki gen TPS ki te rantre Etazini "ilegalman" pa elijib pou yo ta benefisye rezidans pèmanan
-Prezidan Lafrans lan Emmanuel Macron pran yon bèl souflèt pandan l t al pran yon beny foul
-Ansyen Sekretè Jeneral Nasyonzini an Ban Ki Moon ekri yon liv kote l di se kolera a ki gate imaj Nasyonzini ann Ayiti

Liy ouvè ak oditè yo

Mobilizasyon KOMOKODA pou kominote a manifeste pou pote kole ak pèp Ayisyen an anndan peyi a rive bloke referanndòm bidon 27 jen an epi pou dechouke Jovenel Moise:
-jedi 10 jen, 3pm-6pm devan Misyon Etazini nan Loni devan Nasyonzini

Emisyon Eritye Papa Desalin pou lendi 7 jen 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Mobilizasyon KOMOKODA pou kominote a manifeste pou pote kole ak pèp Ayisyen an anndan peyi a rive bloke referanndòm bidon 27 jen an epi pou dechouke Jovenel Moise:
-jedi 10 jen, 3pm-6pm devan Misyon Etazini nan Loni devan Nasyonzini @ 45th Street & 1st Avenue

Ranmase sou Vandredi Anba Tonnèl pou Vandredi 4 jen 2021 ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Nouvèl:
-"Hijacking" sou entènèt la kontinye ap sou yon seri gwo biznis Meriken
-Daily News pibliye yon nouvo atik sou dosye lanmò Romy Vilsaint an ki mete lekòl PS 361 ansanm ak Depatman Edikasyon lavil NY la toutouni parapò ak pwotokòl yo pa t suiv pou yo te ka pwoteje Romy

Mobilizasyon pou manifestasyon jedi 10 jen an

Emisyon Eritye Papa Desalin pou madi Premye jen 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Mobilizasyon KOMOKODA pou kominote a manifeste pou pote kole ak pèp Ayisyen an anndan peyi a rive bloke referanndòm bidon 27 jen an epi pou dechouke Jovenel Moise:
-jedi 10 jen, 3pm-6pm devan Misyon Etazini nan Loni devan Nasyonzini
-jedi 24 jen, 3pm-6pm devan Misyon Etazini nan Loni devan Nasyonzini

Si l pa rive anile, manifestasyon dimanch 27 jen tout jounen devan Konsila Ayisyen an, 5am - 9pm

Nou salye sè nou Viergela Pierre k apral fete anivèsè nesans li jedi 3 jen k ap vini an

Nou salye sè nou Darnell Benoit , Direktris Flanbwayan Haitian Literacy Project k apral fete anivèsè nesans li vandredi 4 jen k ap vini an

Nou swete yo Bòn Fèt! Sante, Sante, Sante!

Repòtaj kay Vwazen ak sè nou Altagracia Jean Joseph ki nan Repiblik Dominikèn

Nou voye fòs, kouraj, ak lanmou pou frè nou Robby Boisette ak fanmi li nan okazyon travèse manman li Marie "Bernadette" Boisette pandan wikenn ki sot pase a

Levanjil Liberasyon an ak frè nou Prince Tiecoura Dorleans Dessalines

Nouvèl / Enfòmasyon:
-Jounal Miami Herald pibliye yon editoryal kote yo mande Prezidan Meriken an Joe Biden si l wè l fè sans pou l mande menm gouvènman ki responsab ensekirite, kidnapin, kadejak ann Ayiti a ki lakòz li bay yon nouvo TPS pou Ayiti pou l fè eleksyon lib, onèt, demokratik; Nan editoryal la yo rele Jovenel Moise yon "wannabe autocrat" ki ta ka tradui kòm yon "apranti diktatè"; nou panse se yon bon deskripsyon ti restavèk apatrid la
-Ansyen prezidan Jocelerme Privert pibliye yon "op ed" nan Jounal Nouvelliste kote li denonse tantative Jovenel Moise pou chanje konstitisyon peyi a
-Joseph Lambert menase pou kraze brize mete dife nenpòt kote ki ta sèvi pou biwo vòt referanndòm; Moise Jean Charles di detwi materyèl referanndòm yo men pa kraze kay ak byen; Don Kato mande chavire chodyè, dechoukaj san vyolans
-Apre 12 lannen sanble Benjamin Netanyahu ka pèdi pouvwa l nan Israel kòm premye minis; Malgre Israel ta parèt genyen batay 11 jou ki fèk sot fèt la, Palestinyen yo ta sanble genyen lagè a; Ata Etazini twouve l blije fè yon ti kritik tou piti pou l mande Israel bay prèv ke bilding laprès yo kraze ra pye tè a te gen sòlda oswa zam Hamas anndan l
-Samdi pase te genyen manifestasyon nan tout kwen peyi Brazil kont Jair Bolsanaro pou denonse gouvenman gwo ponyèt l ap dirije a epi kantite moun ki mouri ak Kovid nan peyi sila a
-Kovid ta parèt ateri Ayiti; Gouvenman apatrid la ap sèvi ak sa kòm eskiz pou anpeche manifestasyon fèt epi pou yo ta fòse yon seri desizyon nan gagann pèp Ayisyen an
-Pou ki sa tout presyon sa yo pou bay moun vaksen kovid ki panko aprouve? Moderna pa p fini tout tès pou FDA Meriken ta apowouve l anvan Oktòb 2022, epi Pfizer janvye 2023

Liy ouvè ak oditè yo

Emisyon Eritye Papa Desalin pou lendi 31 me 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Ranmase sou Vandredi Anba Tonnèl pou Vandredi 28 me 2021

Ti koze sou 100yèm anivèsè Masak nan "Black Wall Street" nan Tulsa, Oklahoma ak frè nou Raymond Dugué ki rakonte istwa masak la epi ak ti sè nou Haiti ki t al patisipe nan manifestasyon nan Tulsa pou make okazyon an

Jounal Miami Herald pibliye yon editoryal kote yo mande Prezidan Meriken an Joe Biden si l wè l fè sans pou l mande menm gouvènman ki responsab ensekirite, kidnapin, kadejak ann Ayiti a ki lakòz li bay yon nouvo TPS pou Ayiti pou l fè eleksyon lib, onèt, demokratik

Liy ouvè ak oditè yo

Emisyon Eritye Papa Desalin pou madi 25 me 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Nou swete sè nou Ninaj Raoul k ap selebre anivèsè nesans li jodi a yon Bòn Fèt!

Jodi a fè yon lannen depi lapolis nan Minneapolis sasinen George Floyd

Ti koze ak frè nou Raymond Dugué sou Jounen Liberasyon Kontinan Afriken an k ap selebre jodi a

Segman Zafè Kay ak sè nou Michelle ki nan Flatbush nan Brooklyn nan

Repòtaj kay Vwazen ak sè nou Altagracia Jean Joseph ki nan Repiblik Dominikèn

Mobilizasyon nan kad aktivite Koalisyon Leve Kanpe pou Ayiti: KOMOKODA ap manifeste jedi 27 me, 3pm-6pm devan Konsila Kanada nan NY la: 466 Lexington Avenue, ant 45yèm ak 46yèm Streets nan Manhattan

Nouvèl:
-Gouvènman apatrid Jovenel Moise la deklare yo fèmen peyi a akoz kowonaviris ki gaye nan peyi a
-Reprezantan Etazini nan Nasyonzini Linda Thomas-Greenfield fè konnen li pale ak Jovenel Moise nan telefòn yè kote li kritike kondisyon sekirite ak enpinite pou malfektè nan peyi a epi l ensiste pou eleksyon prese prese
-Presyon an kontinye ap fèt pou fè moun Etazini pran vaksen kovid; Eta NY rive menm ofri moun ki pran yon premye oswa yon dezyèm dòz yon tikè lotri gratis ki ka fè yo genyen jiske 5 milyon dola vèt

Ki sa k politik KOMOKODA lè n ap manifeste sou beton an

Liy ouvè ak oditè yo

Emisyon Eritye Papa Desalin pou lendi 24 me 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Mobilizasyon nan kad aktivite Koalisyon Leve Kanpe pou Ayiti: KOMOKODA ap manifeste jedi 27 me, 3pm-6pm devan Konsila Kanada nan NY la: 466 Lexington Avenue, ant 45yèm ak 46yèm Streets nan Manhattan

Ti koze ak ti sè nou Ayiti sou dènye enfòmasyon nou genyen sou dosye Romy Vilsaint an epi prezans limenm ansanm ak kèk lòt fanmi kenbe devan lekòl P.S. 361 nan Nostrand Ave ak Farragut Rd. pou n goumen pou jistis pou jèn Romy Vilsaint

Ranmase sou Vandredi Anba Tonnèl pou Vandredi 21 me 2021 ak sè nou Fabyèn Yasent

Ranmase sou aktivite Eritye Papa Desalin te fè jedi pase pou selebre 216yèm anivèsè Konstitisyon Enperyal 1805 lan

Levanjil Liberasyon an ak frè nou Prince Tiecoura Dorleans Dessalines

Nouvèl:
-Yon vòlkan eklate epi fè gwo dega nan vil Goma nan zòn lès peyi Kongo sou kontinan Afriken an
-Nikaragwa fè yon lwa ki pote menm non ak lwa Etazini genyen pou anpeche lajan etranje rantre vin enfliyanse eleksyon lakay yo
-Prezidan Meksik lan AMLO deklare  peyi li se yon peyi lib epi souvrèn; Li pa p aksepte ni OEA ni USAID vin foure dwè yo nan eleksyon lakay li
-Dr. Kesler Dalmacy parèt devan tribinal epi l aksepte l koupab dèske l te vann moun ki pa t malad preskripsyon pou dwòg adiktif ant 2014 rive 2020

Ti koze ak sè nou Ninaj Raoul ki responsab òganizasyon Haitian Women for Haitian Refugees sou desizyon Gouvènman Biden nan pou bay yon nouvo TPS pou migran ki soti Ayiti

Ayibobo pou tout fanmi ki te vin kanpe ak KOMOKODA samdi a pou n te bare lawout ak karavàn referanndòm pèpè PHTK a

Liy ouvè ak oditè yo

Emisyon Eritye Papa Desalin pou madi 18 me 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Ti koze sou zafè fèt drapo a anpil Ayisyen ap selebre jounen jodi a; Pou di Ayisyen konnen kote koze 18 me se fèt drapo sa a soti?

N ap tann fanmi yo @ 7pm jedi pwochen k ap 20 me nan selebrasyon 216yèm anivèsè Konstitisyon Enperyal 1805 lan nan lokal Flanbwayan nan 206 Parkside Avenue ant Flatbush & Ocean Aves. nan Brooklyn nan

Mobilizasyon nan kad aktivite Koalisyon Leve Kanpe pou Ayiti: KOMOKODA ap manifeste jedi 27 me, 3pm-6pm devan Konsila Kanada nan NY la: 466 Lexington Avenue, ant 45yèm ak 46yèm Streets nan Manhattan

Repòtaj kay Vwazen ak sè nou Altagracia Jean Joseph ki nan Repiblik Dominikèn

Nouvèl:
-Atik "Op-Ed" 2 politisyen Democrat nan Miami, depite Frederica Wilson ak County Commissioner Jean Monestime, mande Joe Biden pou l apwente yon reprezantan espesyal pou jere sitiyasyon Ayiti a
-Israel ap pousuiv jenosid li sou pèp Palestinyen an ak tout enpinite
-Popilasyon Wanament bloke wout nasyonal #6 la pou ekzije liberasyon jounalis Widelyn Guillomètre ki travay nan Radio Canari FM
-Kontinye pran prekosyon sou dosye Kovid la
-Joe Biden anonse Etazini pral pataje 80 milyon dòz vaksen ak rès mond lan
-Anbasad Ayiti nan peyi Lafrans estomake apre medya peyi sila a pibliye yon dokimantè ki rele "la loi des gangs" ki demontre koneksyon gouvènman PHTK a ak gang k ap kidnape, fè kadejak, kraze brize nan peyi nou
-Nou jete dlo pou jèn dam si la k te rele Brunia Saint Fort mari li Emmanuel Lindor sasinen l nan fè jalouzi

Nou li tradiksyon Kreyòl premye konstitisyon peyi nou: Konstitisyon Enperyal 1805 la

Liy ouvè ak oditè yo