Sit Podcast Eritye Papa Desalin

Emisyon Eritye Papa Desalin pou lendi 22 novanm 2021

Entwo

Nou salye fanmi k ap koute yo

Ranmase sou Vandredi Anba Tonnèl pou Vandredi 19 novanm 2021 ak sè nou Fabyèn Yasent

Ti diplis ak Profesè Asselin Charles sou dosye Lachin nan

Nouvèl:
-"Lajistis" Etazini deklare Kyle Rittenhouse pa t fè anyen mal
-Eskandal pete sou majistra k apral pran pouvwa a Eric Adams ki peye Edu Hermelyn, mari Rodneyse Bichotte la $80,000 pou yon djòb anpil moun di li pa konn fè epi l pa t fè
-Popilasyon Gwadloup di se twòp atò ak koze obligasyon pou tout moun pran vaksen; Menm jan ak popilasyon anpil lòt peyi yo kraze, yo brize, yo boule kawoutchou
-Enspektè Jeneral DHS (Homeland Security) di pa gen ka pou envestige anyen nan sa gad fwontyè sou chwal yo te fè fanmi nou yo anba pon Del Rio a
-63 Ayisyen soti Ayiti epi ateri tèt dwat nan Key Largo nan Florid
-Gouvènman Ayisyen an anonse l ap ouvri yon konsila nan Tapachula nan Meksik; Jedi k sot pase a yon nouvo karavàn refijye kite Tapachula pou yo rive nan fwontyè Meriken an

Liy ouvè ak oditè yo

Konbit pou pelerinaj 52yèm Jounen Nasyonal Dèy nan solidarite ak fanmi endijèn yo

Emisyon Eritye Papa Desalin pou madi 16 novanm 2021

Entwo

Nou salye fanmi k ap koute yo

Repòtaj kay Vwazen ak sè nou Altagracia Jean Joseph ki nan Repiblik Dominikèn

Ti koze ak sè nou Darnell Benoit, responsab nan Flanbwayan Haitian Literacy Project sou pwogram CUNY-Laguardia pou prepare enfimyè ki soti nan lòt peyi pou y al pran ekzamen lisans yo pou yo pratike Ozetazini

Nouvèl:
-Gouvènè Massachussetts Charlie Baker mande administrasyon Biden nan leve pye l sou dosye refijye Ayisyen li pèmèt rantre Ozetazini yo
-Daniel Supplice ki se "Anvwaye Espesyal" Ariel Henry voye al adrese chirepit Ayiti ak Repiblik Dominikèn nan retounen Ayiti apre 6 jou kay vwazen
-Administrasyon Biden nan anonse $2B jiska $3B pou efase dèt 30 mil etidyan k t al nan kolèj ak lekòl metye pa bò isit
-Plis pase 2 mwa apre siyati a gouvènman k ta dwe soti nan "Akò Primati" a mal pou ateri
-Lapolis nan peyi Tiki arete Samir Handal sou demand Ayiti ki di msye ta mele nan sasinay Jovenel Moise

Refleksyon nou sou rankont COP26 ki fini samdi a kote gwo peyi yo t ap gade jan yo ka adrese tanperati planèt la k ap monte san yo pa chanje anyen nan fason y ap mennen biznis yo

Liy ouvè ak oditè yo

Anons

Emisyon Eritye Papa Desalin pou lendi 15 novanm 2021

Entwo

Nou salye fanmi k ap koute yo

Nou salye jèn Reconoci.do yo, pitit Ayisyen ki fèt nan Repiblik Dominikèn, nou te gen chans fè yon ti koze ak yo samdi maten nan entènèt la

Nou salye fanmi k te branche nan emisyon Angle nou fè chak samdi 4-6pm nan WBAI 99.5 FM

Konbit pou pelerinaj 52yèm Jounen Nasyonal Dèy nan solidarite ak fanmi endijèn yo

Yon Gwo viktwa pou kominote a: òganizatè bal Martelly ki te anonse pou Vandredi 26 novanm nan Bentley's Nightclub nan Brooklyn nan yo anonse bal la ranvwaye

Ranmase sou Vandredi Anba Tonnèl pou Vandredi 12 novanm 2021 ak sè nou Fabyèn Yasent

Nou fè yon bon koze ak frè nou Profesè Asselin Charles sou peyi Lachin: Yon peyi ki soti nan yon "syèk imilyasyon" pou l ateri kote l ye jodi a; Ki leson nou ka aprann pou Ayiti

Liy ouvè ak oditè yo

Anons

Emisyon Eritye Papa Desalin pou madi 9 novanm 2021

Entwo

Nou salye fanmi k ap koute yo

Repòtaj kay Vwazen ak sè nou Altagracia Jean Joseph ki nan Repiblik Dominikèn

Levanjil Liberasyon an ak frè nou Prince Tiecoura Dorleans Dessalines ki nan peyi Kiba 

Nouvèl:
-Daniel Ortega ranpòte laviktwa pou yon katriyèm fwa ak 76% vòt yo nan eleksyon ki fèt ayè dimanch la nan peyi Nikaragwa
-Responsab biwo Grefye nan Tribinal Premyè Enstans nan Pòtoprens fè konnen vòlè pase yo leve kòfrefò ki genyen tout dosye ki aktyèlman devan tribinal yo ale ak li
-Laprès nan Pòtoprens rele anmwe, di yo blije redui oswa fèmen sèvis yo ak pwoblèm gaz nan peyi a
-Gouvènmen Meriken remete Ayiti nan lis peyi ki elijib pou patisipe nan pwogram "Guest Worker" a

Mobilizasyon kont bal Martelly ki anonse pou Vandredi 26 novanm nan Bentley's Nightclub nan Brooklyn nan

Liy ouvè ak oditè yo

Anons

Emisyon Eritye Papa Desalin pou lendi 8 novanm 2021

Entwo

Nou salye fanmi k ap koute yo

Ranmase sou Vandredi Anba Tonnèl pou Vandredi 5 novanm 2021 ak sè nou Fabyèn Yasent

Mobilizasyon kont bal Martelly ki anonse pou Vandredi 26 novanm nan Bentley's Nightclub nan Brooklyn nan

Twa Pa - Istwa Jean Claude Martineau (Koralen)

Nouvèl:
-Tèt chaje gazolin nan kontinye nan peyi a; Anpil moun ap mande èske se pou tout bon oswa se yon mache nwa k ap fèt
-Gouvènman Dominiken an ap sere boulon Ayisyen daprèzavwa ti komik Claude Joseph ki pote tit Minis Afè Etranjè peyi nou te manke yo dega
-Peyi Etazini kontinye mannèv pou fòse tout moun pran vaksen kovid
-Majistra eli vil NY la ki se yon nèg Nwa Meriken k rele Eric Adams al vizite Repiblik Dominikèn san sousi pou diskriminasyon ak mati Ayisyen ap sibi nan peyi sila a
-Mesaj KOMOKODA te pataje nan manifestasyon "Bllack is Back Coalition" nan Washington, DC
-Jij Repibliken k nan Lakou Siprèm Meriken pa pale san yo pa fè tout moun konnen yo pa nan paspouki - jan sa ta bèl si se te vre!

Liy ouvè ak oditè yo

Emisyon Eritye Papa Desalin pou madi 2 novanm 2021

Nou eskize nou dèske se anrejistreman premye inèd tan emisyon an sèlman nou genyen!

Entwo

Nou salye fanmi k ap koute yo

Nou salye tout fanmi k ap selebre fèt Gede yè lendi a ak jodi madi a

Repòtaj kay Vwazen ak sè nou Altagracia Jean Joseph ki aktyèlman nan peyi Ekwatè

Ti refleksyon sou Vanyan Charlemagne Peralte; 31 oktòb 2021 an fè 102 lannen depi li tonbe nan lit pou defann souvrènte peyi nou

Nouvèl:
-Gouvènman Meriken an anonse yo arete 2 moun nan Florid ki t ap founi 400 Mawozo ak zam
-Eleksyon ap fèt Ozetazini jodi a
-Jij nan Illinois bloke leta nan eta sila a k ap ekzije tout anplwaye leta pran vaksen

Emisyon Eritye Papa Desalin pou lendi Premye novanm 2021

Entwo

Nou salye fanmi k ap koute yo

Nou swete sè nou Marie Felix yon Bòn Fèt!

Nou wè yon enfòmasyon ki di atis, ekriven Franketienne fè travèse li

Jodi a Meriken Nwa yo make "Black Solidarity Day"; yon jou fanmi sa yo mande pou tout moun Nwa fè yon jounen absans nan biznis sosyete a

Ranmase sou Vandredi Anba Tonnèl pou Vandredi 29 oktòb 2021 ak sè nou Fabyèn Yasent; Konbit Vandredi Anba Tonnèl pou n ranmase $100,000 pou ede kèk fanmi k te viktim nan Goudougoudou Gransid la rebati kay yo

Levanjil Liberasyon an ak frè nou Prince Tiecoura Dorleans Dessalines ki nan peyi Kiba epi ak frè nou Hilario Batista ki se responsab Depatman Kreyòl Radyo Laavàn Kiba epi responsab òganizasyon Bannzil Kreyòl Kiba

Nouvèl:
-Fanmi Franketienne anonse koze lanmò a se rimè, msye la toujou
-Ti komik blan an mete kòm Premye Minis Ayiti a fè yo gwo diskou epi, epi, Anyen!
-Nouvo chèf lapolis epi kidnaping ak ensekirite a kontinye ap vale teren
-Gwo dilèm pou Meriken nan dosye blan 400 Mawozo kidnape yo
-Jounal "Le Nouvelliste" anonse se DCPJ k ap negosye kidnaping blan yo men Ariel Henry di leta l ap dirije a pa p negosye ak gang
-Jounal "Haitian Times" pibliye yon Op-Ed Brian Nichols, gwo bwa blan nwa nan Depatman Deta

Liy ouvè ak oditè yo

Anons

Emisyon Eritye Papa Desalin pou madi 26 oktòb 2021

Entwo

Nou salye fanmi k ap koute yo

Olye KOMOKODA ale Chappaqua jodi madi 26 oktòb, jou fèt manman vòlèz Hillary Clinton nan, nou lanse yon kanpay pou gaye yon mesaj nan okasyon an nan rezo sosyal yo

Repòtaj kay Vwazen ak sè nou Altagracia Jean Joseph ki nan Repiblik Dominikèn

Nou ankouraje oditè yo rele pou pase yon mesaj nan okazyon anivèsè nesans Hillary Clinton nan

Nouvèl:
-Pa gen gaz la vin lakòz yon "peyi fèmen" fòse nan anpil zòn nan peyi a; Chèf gang Micanord ki ta gen kontwòl Wharf Jeremie mande leta Ayisyen 50 milyon goud pou l ta kite kamyon gaz yo pase; Plizyè lopital fè konnen si yo pa jwenn gaz jodi madi sa a anpil moun riske mouri
-Liberasyon Pastè Jean Michel Ferret ki te kidnape
-Jounalis Pastè Claudy Jean-Jacques bay Andre Michel yon entèvyou nan Radyo Pa Nou kote l ap fè pwopagann pou dyaspora NY la rantre nan akò Meriken-Core Group-Ariel Henry a
-Gouvènman Meriken an anonse l ap ranvwaye jiska desanm 2022 pou yo mete dènye dokiman sekrè yo genyen sou sasinay ansyen Prezidan Meriken John F. Kennedy.
-Ekspè Nasyonzini nan koze dwa moun kondane ekspilsyon rasis gouvènman Meriken an fè ak "Title 42" yo
-Jij Bernard St Vil anile manda Bedford Claude te mete kont plizyè manm SPNH-17 ak Fantòm 509 yo

Ti rale sou Julian Assange ak òganizasyon Wikileaks

Liy ouvè ak oditè yo

Anons

Emisyon Eritye Papa Desalin pou lendi 25 oktòb 2021

Entwo

Nou salye fanmi k ap koute yo

KOMOKODA ranvwaye mobilizasyon pou n t al manifeste nan Chappaqua demen madi 26 oktòb, jou fèt manman vòlèz Hillary Clinton

Ranmase sou manifestasyon October 22nd Coalition fè Vandredi a pou lonje dwèt sou sasinay ak maspinay lapolis bò isit fè nan peyi a

Ranmase sou Vandredi Anba Tonnèl pou Vandredi 22 oktòb 2021 ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines ki nan peyi Kiba epi ak frè nou Hilario Batista ki se responsab Depatman Kreyòl Radyo Laavàn Kiba epi responsab òganizasyon Bannzil Kreyòl Kiba

Nouvèl:
-Etazini kidnape yon diplomat Venezyela epi mennen l vin jije isit paske yo di l vyole desizyon Prezidan Meriken an
-Alatèt konpayi Digicel la Denis O'Brien atake Facebook ak konpayi li posede yo kòm yon biznis kolon pandan Digicel limenm ap fè e defè lakay nou ann Ayiti; Moun nan Jeremi mete dife nan biwo Digicel nan vil sila a
-Òganizasyon RNDDH akize Liszt Quitel ki pote tit Minis Jistis ak Minis Enteryè gouvènman kwoupyon an kòm kòmanditè kidnaping Pastèt Jean Ferret Michel
-Leon Charles revoke/demisyone nan djòb Chèf Lapolis Ayiti; Li retounen nan djòb reprezantan Ayiti nan OEA
-Plizye òganizasyon nan New Jersey kole zepòl pou manifeste devan biwo imigrasyon nan Newark pou denonse politik rasis Administrasyon Biden nan parapò ak refijye Ayisyen yo
-Gran medya Meriken yo fè konnen finalman Donald Trump resi gen lajanapre l lanse nouvo biznis medya li a "Trump Media & Technology Group" nan "stock market" la
-Premye pitit Jovenel Moise, Joverlin Moise k ap viv nan Monreyal, Kanada ale nan tribinal nan peyi sila a pou l chache jwenn jistis pou "papa l ak prezidan l"

Liy ouvè ak oditè yo

Anons

Emisyon Eritye Papa Desalin pou madi 19 oktòb 2021

Entwo

Nou salye fanmi k ap koute yo

Mobilizasyon pou otobis pou n al manifeste nan Chappaqua madi 26 oktòb, jou fèt manman vòlèz Hillary Clinton

Repòtaj kay Vwazen ak sè nou Altagracia Jean Joseph ki nan Repiblik Dominikèn

Nouvèl

Liy ouvè ak oditè yo

Anons