Sit Podcast Eritye Papa Desalin

Emisyon Eritye Papa Desalin pou mèkredi 29 jen 2022

 

Entwo

Nou salye fanmi k ap koute yo

LOTAN envite Finlann ak Lasyèd rantre nan fanmi sila a apre Latiki antann li ak yo epi retire baryè li te kanpe pou bloke 2 peyi sila yo

Repòtaj kay vwazen nan Kiba ak frè nou Hilario Batista

Nouvèl:
-Batay nan tribinal epi batay sou beton an toupatou Ozetazini pou kontre desizyon tribinal ki ranvèse Roe vs. Wade sou dosye avòtman an
-Peyi G7 yo anonse y ap mete tout fòs yo nan balans lan pou kore Ikrèn
-Tribinal nan Manhattan kondane Ghislaine Maxwell pou l pase 20 lannen nan prizon; Moun k ap gade mande ki lè Etazini ap jije lòt gwo kolaboratè Jeffrey Epstein yo
-Lame peyi Lespay masakre yon bann Afriken k t ap chache rantre nan peyi sila a sou fwontyè li ak peyi Mawòk
-Jan Etazini te apovri Ayiti lè yo te vòlè zile Lànavaz

Liy ouvè ak oditè yo

Emisyon Eritye Papa Desalin pou madi 28 jen 2022

Entwo

Nou salye fanmi k ap koute yo

Repòtaj Kay Vwazen nan Repiblik Dominikèn ak sè nou Altagracia Jean Joseph

Refleksyon nou sou desizyon Lakou Siprèm Etazini pou ranvèse desizyon Roe vs. Wade ki

Liy ouvè ak oditè yo 

Nouvèl

Liy ouvè ak oditè yo

Emisyon Eritye Papa Desalin pou lendi 27 jen 2022

Entwo

Nou salye fanmi k ap koute yo

Ranmase sou Vandredi Anba Tonnèl pou Vandredi 24 jen 2022 ak sè nou Fabyèn Yasent

Levanjil Liberasyon ak frè nou Prince Tiecoura Dorleans Dessalines

Lavalasyen yo pile beton an nan Pòtoprens yè

Nou salye fanmi nou yo nan MOHFREC (Mouvman Ayisyen an Frans K ap Batay pou Respè Konstitisyon an) ki kanpe pou bloke kadejakè Josue Pierre-Louis ki gen pou l al pale nan UNESCO demen madi a

Liy ouvè ak oditè yo

Anons

 

Emisyon Eritye Papa Desalin pou jedi 23 jen 2022

Entwo

Nou salye fanmi k ap koute yo

Nou ankouraje oditè yo sipòte emisyon Eritye Papa Desalin:
https://afgj.salsalabs.org/erityepapadesalin/index.html

Repòtaj anndan chanm kay peyi a ak frè nou Wilner Altidor; Wilner ale nan fèt Sen Jan Batis Otwou Dinò

Mizik Fèt Chanpèt Tropicana ak Septentrional

Nouvèl:
-Biwo Suivi Akò Montana a di li bouke voye lèt ba Ariel Henry epi msye pa okipe yo kou chen
-Gouvènman Biden nan renmèt Depite Sheila Cherfils McCormick, yon pitit Ayisyen ki nan Kongrè a mayèt la pou l mennen negosyasyon ant divès "stakeholder" ann Ayiti yo pou li
-13 jou apre baz 5 Segond te rive pran kontwòl Palè Jistis Pòtoprens li nan men yo toujou
-23 manm nan yon lakou Gwo Mòn lopital apre yo te anpwazonnen nan yon manje k fèt nan lakou a
-Emisyon Eritye mande liberasyon ak reparasyon pou alatèt Wikileaks la, Julian Assange

Liy ouvè ak oditè yo

Emisyon Eritye Papa Desalin pou mèkredi 22 jen 2022

Entwo

Nou salye fanmi k ap koute yo

Repòtaj kay vwazen nan Kiba ak frè nou Hilario Batista; Nou lanse yon konbit pou n ede òganizasyon Bannzil Kreyòl Kiba pote chay la pou festival mwa out 2022 a

Nouvèl:
-Yon gwo tranblemanntè frape peyi Afghanistan, plis pase 1,000 moun pèdi lavi yo
-Dènye nouvèl sou lagè k ap bwase nan Ikrèn ant Etazini ak Larisi

Liy ouvè ak oditè yo

Emisyon Eritye Papa Desalin pou madi 21 jen 2022

Entwo

Nou salye fanmi k ap koute yo

Ayibobo pou Ayisyen atravè mond lan ki mobilize pou bare Martelly tout kote li pase

Ti koze ak frè nou Jean Philippe Compas k ap viv nan Brockton, MA sou demach limenm pèsonèlman li te fè semèn pase a pou kwape bal Martelly ki te gen pou fèt nan Brockton samdi 2 jiyè k ap vini an

Repòtaj Kay Vwazen nan Repiblik Dominikèn ak sè nou Altagracia Jean Joseph

Nouvèl
-Biwo Gad Fwontyè Meriken (Customs Border Patrol) di li pa konnen ki kote pyès monnen k ap denigre Ayisyen k te anba pon Del Rio yo soti
-Òganizasyon "Vision" nan Granrivyè Dinò inogire yon estati Janjak Desalin sou laplas bouk la

Liy ouvè ak oditè yo

Emisyon Eritye Papa Desalin pou lendi 20 jen 2022

Entwo

Nou salye fanmi k ap koute yo

Ranmase sou Vandredi Anba Tonnèl pou Vandredi 17 jen 2022 ak sè nou Fabyèn Yasent

Ansyen geriya lagoch Gustavo Petro ak militan Afro-feminis Francia Marquez rapòte laviktwa nan dezyèm tou eleksyon pou prezidan ak vis prezidan peyi Kolonbi

Levanjil Liberasyon ak frè nou Prince Tiecoura Dorleans Dessalines

Ti koze ak Roosevelt Renois "Coach Rossy" sou pwogram foutbòl "Soccer for All" k ap fèt pou timoun 5an rive 17an nan Canarsie pandan ete a

Nouvèl:
-Inondasyon nan Gonayiv ta lakòz jiska 3000 fanmi nan lari 2 bra balanse
-Nou salye fanmi nan Brockton, MA yo ki reyise bloke bal Martelly ki te anonse nan zòn sa a pou 2 jiyè
-Pil reyinyon nan Nasyonzini pou zòt rive nan pwolongasyon misyon BINUH nan peyi nou

Bri k ap kouri nan lari a kòmkwa Core Gwoup ta ofri Prezidan Aristide pouvwa tranzisyon pou 2 lannen; Manifestasyon anfavè Prezidan Aristide kòm Prezidan pwovizwa nan vil Okay; Nòt pou laprès Fanmi Lavalas ki salye manifestan Okay yo epi ki mande rès peyi a leve kanpe

Liy ouvè ak oditè yo

Emisyon Eritye Papa Desalin pou jedi 16 jen 2022

Entwo

Nou salye fanmi k ap koute yo

Repòtaj anndan chanm kay peyi a ak frè nou Wilner Altidor ki al vizite yon ti lokalite tou pre Wanament ki rele Savàn Long; Wilner pale ak Kazèk Saint-Ange

Ti bwase ak frè nou Jafrikayiti sou koze k ap soti lakay

Nouvèl:
-Dènye nouvèl sou lagè k ap bwase nan Ikrèn ant Etazini ak Larisi

Liy ouvè ak oditè yo

Emisyon Eritye Papa Desalin pou mèkredi 15 jen 2022

Entwo

Nou salye fanmi k ap koute yo

Nou salye gwoup "Concerned Citizens of Massachussetts" ki ekri majistra lavil Brockton yon lèt pou mande li deklare Michel Martelly "Persona Non-Grata"

Repòtaj kay vwazen nan Kiba ak frè nou Hilario Batista; Hilario te genyen ti frè li Juan Batista Felix kòm envite

Nouvèl:
-Yon foul rasis Dominiken ki te genyen 3 sòlda lame Dominiken nan mitan yo touye yon Ayisyen epi boule 8 kay Ayisyen k te gen tan chape poul yo nan yon zòn ki rele La Rosa nan pwovens Bahoruco
-Dènye nouvèl sou lagè k ap bwase nan Ikrèn ant Etazini ak Larisi
-Moun ak zam nan zòn Matisan tire sou yon otobis ki t ap soti Pò Sali - 3 inosan blese
-Joe Biden ekri alatèt plizyè gwo konpayi ponp gaolin nan peyi a pou di yo wotè pri gaz la monte nan lari a pa koresponn ak nivo li monte nan mache entènasyonal la

Liy ouvè ak oditè yo

Emisyon Eritye Papa Desalin pou madi 14 jen 2022

Emisyon espesyal ak Jean Caude Martineau (Koralen) sou travay li

Entwo

Dejwe

Dyalòg ak Jean Claude Martineau

Liy ouvè ak oditè yo

Bèfchenn

Dyalòg ak Jean Claude Martineau

Liy ouvè ak oditè yo

Flè dizè

Liy ouvè ak oditè yo

Nouvèl