Sit Podcast Eritye Papa Desalin

Emisyon Eritye Papa Desalin pou madi 4 jiyè 2023

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Jodi a se 4 jiyè 2023, peyi Etazini gen 247 lannan; Malgre move tan anpil peta ap pete; Jan nou fè sa chak ane, nou retounen nan diskou Frederick Douglass te fè 5 jiyè 1852 kote l te mande sa esklav Meriken an pèdi nan koze selebrasyon 4 jiyè

Repòtaj Kay Vwazen nan Repiblik Dominikèn ak sè nou Altagracia Jean Joseph

Nouvèl:
-Nou li deklarasyon òganizasyon FRAKKA mete deyò yè a
-Yonn apre lòt, Chèf CARICOM yo pale de yon dèt yo genyen anvè Ayiti; Nou ta renmen konnen ki sa apatrid Ariel Henry pèdi nan dèt sila a
-Denis O'Brien pa mèt Digicel ankò men gras ak Ayiti li menm ak tout bizawèl li yo rich pou tout lavi yo
-Etazini retounen pran plas li nan UNESCO 
-Atik Joel Leon nan Boukan News sou manif entènasyonal ti komik Gregory Toussaint ap òganize 9 jiyè
-Wograde PNH yo ta fè yon rankont dimanch lan ak wograde Nasyonzini yo pou prepare teren pou debakman evantyèl fòs entèvansyon miltinasyonal k ap pale depi kèk jou a

Liy ouvè ak oditè yo

Anons

Emisyon Eritye Papa Desalin pou lendi 3 jiyè 2023

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Refleksyon nou sou atik Lakwa Wouj Meriken pibliye nan Miami Herald kote y ap mande lajan pou yo ede moun ann Ayiti; Ala yo san wont

Levanjil Liberasyon ak frè nou Prince Tiecoura Dorleans Dessalines

Nouvèl:
-Jodi a se anivèsè nesans fondatè Wikileaks la Julian Assange; Manifestasyon nan Times Square epi divès lòt vil atravè lemond pou ekzije liberasyon li
-Alavèy rankont Konsèy Sekirite LONI pou evalye mande BINUH an Sekretè Jeneral Nasyonzinin an Antonio Guteres fè yon ti kout pye ann Ayiti pou l al bat tanbou pou entèvasyon militè nan peyi nou
-"Ekspè" sou dwa moun Nasyonzini mete sou dosye Ayiti a William O'Neill bay bilan sejou 10 jou li fè ap virewon nan peyi a; Nou bezwen konnen kouman fè Izo, Babekyou, Vitelòm, Lanmò Sanjou oswa Grangrif pa kidnape li; Jwèt la sanble l gen koken ladan l
-Peyi Mali ekzije Nasyonzini wete fòs entèvansyon MINUSMA lakay yo
-Leve kanpe toupatou anfrans epi nan lòt peyi ann Ewòp apre lapolis touye yon jèn mizilman 17 an ki rele
-Gadkot Kaykòs ak Gadkòt Bahemyen bloke yon batiman kanntè ak 189 Ayisyen ladan l
-Peyi Meksik anonse yo deja genyen plis pase 25 mil Ayisyen pou ane 2023 ki mande pèmisyon pou yo viv lakay li; Anplis yo di 98% nan Brezilyen ak Chilyen ki aplike tou se pitit Ayisyen ki fèt nan peyi sa yo
-Pou make 2 lannen depi sasinay jounalis Antoinette Duclair ak Diego Charles, fanmi yo pote plent lajistis

Liy ouvè ak oditè yo

Anons

Emisyon Eritye Papa Desalin pou jedi 29 jen 2023

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Refleksyon nou sou "Supreme Court" Ameriken ki deside pou elimine "Affirmative Action" nan peyi a

Refleksyon nou sou atik Patricia Camilien (La loi de ma bouche) ki ridikilize gangstè Andre Apaid ki pran pòz li pa konprann pou ki sa Kanada mete non li nan lis moun k ap sipòte gang epi destabilize Ayiti

Liy ouvè ak oditè yo

Anons

Emisyon Eritye Papa Desalin pou mèkredi 28 jen 2023

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Prezidan Belarus la Aleksander Lukashenko anonse alatèt Gwoup Wagner a ateri nan Belarus

Repòtaj Kay Vwazen nan Kiba ak frè nou Hilario Batista
-Etazini fache dèske yo di Lachin ap mete baz militè nan Kiba
-Arestasyon yon gwoup aktivis sipòtè peyi Kiba nan biwo Senatè Menendez
-Jedi pase City Council lavil NY la vote yon rezolisyon solidarite ak Kiba

Nouvèl:
-Eleksyon "Primary" fèt Ozetazini yè madi a; Bò kote nou an Yusuf Salaam genyen epi Charles Baron pèdi nan nivo "City Council" la
-Prezidan Ikrèn nan Volodimyr Zelensky anonse eleksyon ki ta dwe fèt nan peyi sila a an 2024 yo pa p fèt epi pa p genyen eleksyon toutotan lagè lòt bò a pa fini
-NY Times konfime Attorney General Meriken an Merrick Garland te bay presyon pou dosye koripsyon an pa t pi mal pou Hunter Biden ak papa li
-Nan 57yèm reyinyon SICA a, El Salvador anonse l ap ouvè yon biwo sipò ak PNH la nan peyi D Ayiti epi Repiblik Dominikèn mande pou tout peyi SICA yo sipòte rezolisyon OEA sou Ayiti

Liy ouvè ak oditè yo

Emisyon Eritye Papa Desalin pou madi 27 jen 2023

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Nouvèl:
-Devlopman nan dosye leve kanpe Gwoup Wagner nan Larisi
-Malgre plizyè enkilpasyon Donald Trump kontinye ap vale teren nan lis kandida pati Repibliken an; Msye DeSantis ap dedouble pou l wè ki jan l ka parèt pi rasis, pi anti imigran pase Trump
-Yon endividi yo idantify kòm yon minis peyi Senegal ki t al nan rankont Macron an pran anpil pataswèl apre l ta frape yon opozan nan mitan lari Pari
-Ansyen alatèt Gwoup 184 la epitou sipòtè gang Labanyè ki t ap soutni koudeta 2004 la mete deklarasyon l deyò pou l demanti sanksyon Kanada mete sou li
-Yon gwo trajedi evite nan lantèman jèn jounalis epi etidyan Danaica Duplan ki te tiye tèt li lè gran frè li Joveny Duplan ki nan UDMO rale yon zam pou l te touye tèt li tou
-Yonn apre lòt, yon seri gwo bwa nan sosyete ap ap vin reponn kesyon Jij Wasser Walter Voltaire sou dosye Jovenel Moise la; Ansyen Premye Minis Joseph Jouthe di si se li k te opouvwa 7 jiyè 2021 se sou kadav li pou yo ta pase pou y al tchwe vòlè apatrid Jovenel Moise
-Òganizasyon dwa moun CARDH bay bilan Bwa Kale pou mwa k soti 24 me pou rive 24 jen
-Prezidan Belarus la Lukashenko di yon jounalis BBC ki t ap ba l yon entèvyou kote l denonse awogans ak ipokrizi Loksidan epi l di yo al grate kote k ap grate yo a

Liy ouvè ak oditè yo

Anons

Emisyon Eritye Papa Desalin pou lendi 26 jen 2023

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Refleksyon nou sou Town Miting KOMOKODA fè yè apremidi nan lokal Flanbwayan an nan Brooklyn 

Levanjil Liberasyon ak frè nou Prince Tiecoura Dorleans Dessalines

Nouvèl:
-Anpil pawòl sou sa k ta yon tantativ koudeta "Gwoup Wagner" a nan peyi Larisi; Antant pou ekip Wagner a ale Belarus; Dosye a parèt fini men li panko fini
-Kanada anonse sanksyon sou 4 lòt moun nan peyi a yo di k ap bay pwoblèm; Lis yo a kounyè a rive nan 25
-Jij Morin mete manda arestasyon kont Fednel Monchery apre msye boude yon randevou Vandredi a
-Manifestasyon kont Ariel Henry nan vil Pari
-Ariel di l fè gwo rankont etan l te nan fowòm ekonomik Macron an nan peyi Lafrans
-Minis Afè Etranjè Kanada ak Jamayik yo òganize yon reyinyon anndan 53yèm OEA a sou dosye Ayiti a  
-Bagay la cho pou pòtpawòl Pentagon nan ak pòtpawòl Mezon Blanch lan sou dosye koripsyon fanmi Biden nan ak paspouki Depatman Lajistis parèt ap fè pou Hunter Biden
-Plizyè depite Meriken nan Pati Repibliken an di yo tanmen ankèt ki pou ta mennen nan "impeachment" Attorney General la Merrick Garland
-Depite Meriken dorijin Ayisyen an Sheila Cherfilus-McCormick la di anyen pa ka bouje nan peyi nou san pa genyen yon fòs entèvansyon militè etranjè; Premye Minis Sen Vensan ak Grenadin nan Ralph Gonzalves limenm li di se èd imanitè Ayiti bezwen

Liy ouvè ak oditè yo

Anons

Emisyon Eritye Papa Desalin pou jedi 22 jen 2023

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Mobilizasyon pou Town Miting KOMOKODA ap fè 4PM, dimanch 25 jen nan lokal Flanbwayan an, 3116 Clarendon Rd. nan Brooklyn nan  

Nouvèl:
-Kanada ak Repiblik Dominikèn anonse yo antann yo sou dosye Ayiti a
-Avoka Martine Moise nan Florid asiyen moun ki akize pou sasinay apatrid la pou yon fòs kantite lajan

Segman Imigrasyon ak sè nou Taina Exant nan òganizasyon Fanm Ayisyen pou Refijye Ayisyen

Ranmase sou dosye nou te touche pandan semèn nan

Mobilizasyon pou Town Miting KOMOKODA ap fè 4PM, dimanch 25 jen nan lokal Flanbwayan an, 3116 Clarendon Rd. nan Brooklyn nan  

Liy ouvè ak oditè yo

Anon

Emisyon Eritye Papa Desalin pou mèkredi 21 jen 2023

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Altagracia Jean Joseph pase pou l ankouraje oditè yo sipòte Jackson Dorvelus, ki se yon jèn Dominiken dorijin Ayisyen 19 an ki fè aksidan sou moto li ki blije fè yon operasyon prese prese pou sa pa vin pi grav pou li

Nouvèl:
-NY Times pibliye yon atik lendi a ki di yon bon jou nan zam ak aparèy Etazini ak bizawèl li yo ta voye nan Ikrèn te gen pwoblèm
-Pentagon di yo te fè erè pou valè 6 milya dola nan kichòy yo voye nan Ikrèn; yo di y apral ajoute pou rive nan valè sa a
-Prezidan Ikrèn nan Zelensky denonse kandida Meriken yo ki di yo pa p kontinye sipòte Ikrèn; Li mande si sa vle di yo pare pou yo voye sòlda peyi yo ak pitit yo al mouri nan lagè kont Larisi
-Anpil djòl pwès parapò ak fason 2 pwa 2 mezi Depatman Lajistis Meriken ap jere dosye kriminèl Hunter Biden nan; Nou pase vwa Senatè Joe Biden (1994) ki t ap ensiste sou pinisyon san paspouki pou moun yo kenbe ak krak
-Gwo posibilite pou Kanada ak Repiblik Dominikèn ta antann yo sou enstasyon biwo sipò ak PNH la nan RD

Liy ouvè ak oditè yo

Anons

Emisyon Eritye Papa Desalin pou madi 20 jen 2023

Entwo

Nou salye fanmi k ap koute yo

Mobilizasyon pou Town Miting KOMOKODA ap fè 4PM, dimanch 25 jen nan lokal Flanbwayan an, 3116 Clarendon Rd. nan Brooklyn nan  

Repòtaj Kay Vwazen nan Repiblik Dominikèn ak sè nou Altagracia Jean Joseph

Nouvèl:
-Larisi anonse li mete zouti nikleyè nan Belarus
-Yon delegasyon chèf deta divès peyi Afriken ale nan Ikrèn epi nan Larisi ak yon plan lapè pou lagè k genyen an ta fini
-Prezidan peyi Iran Ebrahim Raisi vizite nan Amerik Latin nan
-Plizyè santèn refijye Pakistanè mouri nan lanmè tou pre peyi Grès

Ti koze ak Wuyi Jacobs ki se animatè emisyon WBAI Afrobeat Radio sou fundraiser y ap fè jedi swa nan SOB's pou sipòte WBAI

Nou kontinye ak nouvèl yo:
-Amnesty International mete yon rapò deyò pou denonse rasis k ap fèt sou refijye nwa yo nan divès peyi nan Amerik la
-Depatman Lajistis Meriken anonse li fè antant ak Hunter Biden sou krim yo akize li

Liy ouvè ak oditè yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Anons

Emisyon Eritye Papa Desalin pou lendi 19 jen 2023

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Mobilizasyon pou Town Miting KOMOKODA ap fè 4PM, dimanch 25 jen nan lokal Flanbwayan an, 3116 Clarendon Rd. nan Brooklyn nan  

Levanjil Liberasyon ak frè nou Prince Tiecoura Dorleans Dessalines

Nouvèl:
-Gwo leve kanpe nan CODEVI nan Wanament; 3 ouvriye pèdi lavi yo
-Jodi a se yon jou ferye Ozetazini ki rele "Juneteenth"; Se ki sa li ye?
-Alatè Komite Sanksyon Nasyonzini sou dosye Ayiti a te vizite peyi nou; Ta dwe gen plizyè nouvo sanksyon Nasyonzini k ap vini nan mwa septanm nan
-"Whistleblower" Daniel Ellsberg ki te mete kakachat Meriken "Pentagon Papers" deyò nan lannen 1971 fè vwèl pou peyi san chapo nan laj 92 lannen
-Minis Afè Etranjè Repiblik Dominikèn di lakay li pa savann; Kanada anonse l ap mete yon biwo pou jere dosye PNH la lakay li san l pa avèti responsab peyi a
-OEA anonse l ap fè yon reyinyon semèn sa a sou dosye Ayiti a
-Dosye avoka Caleb Jean Baptiste ki fè yon arestasyon li filme sou Madam Yael Joanna Clerie Zreik pou dwèt long siperyè fè anpil buzz nan lari a

Liy ouvè ak oditè yo

Anons