Sit Podcast Eritye Papa Desalin

Emisyon Eritye Papa Desalin pou lendi 10 fevriye 2020

Entwodiksyon - Mizik Kiki Wainwright - Fò n Lite

Yon lòt fwa ankò nou salye frè nou Oneza Lafontant ki pèdi manman li Madam Eliane Lafontant; Nou salye madanm Oneza, Ninaj Raoul ak tout rès fanmi an

Nou salye sè nou Igèt Dejan ki pèdi frè jimo li Alix Dejean; Fòs, Kouraj, ak Lanmou pou tout fanmi an

Yè swa KOMOKODA te fete frè nou Vilcere Romulus ki t ap selebre anivèsè nesans li yè dimanch lan; Nou salye sè nou Raymonde Amedée k ap selebre anivèsè li jodi a

Nou salye Pastè Milau Thelusma ki t ap selebre anivèsè nesans li yè dimanch lan

Nou salye frè nou Fritzner Pierre ki nan stidyo a ak nou

Rapò sou manifestasyon KOMOKODA nan Manhattan jedi pase; Bofi Gwomoso Jared Kushner di pye sa m manje m pa ba ou

Levanjil liberasyon an ak frè nou Prince Tiecoura Dorleans Dessalines

Nouvèl:
-Yon ajan ICE ki t ap pousuiv yon imigran Meksiken pou Etazini depòte l tire yon lòt moun nan Brooklyn nan
-Yon nèg nwa tire yon polis nan NY la epi nan landemen menm eleman sila a rantre al ouvè zam anndan yon pòs polis nan Bronx nan NY la; Sendika sèjan lapolis NY deklare majistra deBlasio lagè. Yo di se majistra a ki ouvè pòt pou mòd atak sa yo sou lapolis
-Anpil bri sou kontra Gouvènman Meriken an siyen ak yon konpayi prive pou pèmèt ajan imigrasyon trake telefòn selilè plizyè milyon moun nan peyi a

Liy ouvè ak oditè yo

Atik Associated Press k ap voye ti restavèk yo Jovenel Moise monte

Anons

Emisyon Eritye Papa Desalin pou madi 4 fevriye 2020

Entwodiksyon - Mizik Kiki Wainwright - Fò n Lite

KOMOKODA mande pou yon misyon obsèvasyon elektoral OEA debake nan Iowa!

Donald Trump deklare se Hillary Clinton ki pote laviktwa nan Iowa

Repòtaj Kay Vwazen ak sè nou Altagracia Jean Joseph

Nouvèl:
-Plis detay sou magouy nan premye etap nan eleksyon pou pwochen prezidan Meriken an
-Dr. Francis Boyle ki te ekri tèks konvansyon entènasyonal kont zam biyolojik an 1989 deklare Corona virus k ap fè dega nan Lachin jodi a se yon zam biyolojik li ye
-Dènye enfòmasyon nou jwenn sou dosye Corona virus la
-Kounyè a se Unitransfer ki ekri jij ki chita sou dosye dola senkant lan nan Brooklyn nan

Liy ouvè ak oditè yo

Plis nouvèl:
-Gouvènman restavèk ki monte apre koudeta kont Prezidan Evo Morales la ap chache bloke kandida pati Evo a deside voye nan pwochen eleksyon an; Evo limenm enskri kòm kandida pou chanm Sena nan menm eleksyon sila a
-Divès peyi Arab yo ki te reyini an ijans nan peyi Ejip rejte desizyon Trump ak Netanyahu pou enpoze yon plan inilateral sou Palestinyen yo
-Moun atravè lemond ap griyen dan sou Donald Trump ki pa konnen jeyografi pwòp peyi li ta sipoze ap dirije a: Gwo Moso ekri sou twitter ke Kansas City se nan eta Kansas li ye olye Missouri

Mobilizasyon pou manifestasyon devan Misyon Etazini nan LONI 3pm-6pm Jedi 6 fevriye 2020:
1st Avenue ak 45th Street nan Manhattan

Emisyon Eritye Papa Desalin pou lendi 3 fevriye 2020

Entwodiksyon - Mizik Kiki Wainwright - Fò n Lite

Anons lantèman Madam Eliane Lafontant, manman frè nou Oneza Lafontant

Ranmase sou Vandredi Anba Tonnèl pou 31 janvye 2020 la ak sè nou Fabyèn Yasent

Omaj pou Georges Castera ki fè travèse l Vandredi 24 janvye k sot pase a nan laj 83 lannen:
-Pwezi li: Rankit
-Mizik gwoup Atis Endepandan ak tèks li ekri: M anvi chante peyi m

Nouvèl:
-"Caucus" kandida Pati Demokrat yo ki swete al twoke kòn ak Trump nan pwochen eleksyon an ap fèt nan Iowa jodi a; Kote diferan kandida yo ye? Presyon k ap fèt anndan Pati a pou yon lòt fwa ankò yo mete Bernie Sanders dekote menm lè prèske tout sondaj yo di se li k devan
-Depite Meriken Rashida Talib di l pa gen pyès pwoblèm pou l bat chalbari dèyè chòche Hilary Clinton; Jounalis Palestinyen-Meriken Ali Abunimah di jiskaske n ka jwenn yon tribinal pou jije Hilary ann kontinye bat chalbari dèyè l
-Dènye nouvèl nan dosye Corona virus la; Avyon Chinwa k te ateri Pòtoprens Vandredi swa a; Atansyon pou n pa kwè epi sikile mesaj ki gaye nan medya sosyal yo kòmkwa dlo sale ka kwape viris sila a
-Newton St Juste ki pran djòb nan men Jovenel nan mitan Peyi Lòk la ap bouske pelerinaj li pou nan emisyon "Haiti Premiere Classe" dimanch yè a pou l ensiste se pou leta Ayisyen l ap travay li pa p travay pou Jovenel Moise kòmkwa leta a ak Jovenel se pa senkant kòb ak degouden
-Dènye nouvèl nan dosye dola senkant lan; jij la panko reponn; lèt avoka yo; repons Digicel nan non tout lèzòt akize yo; Kle dosye a se nan men noumenm dyaspora a k ap pote dola senkant lan ale depi premye jen 2011 pandan nou te ka fè sa yon lòt jan

Liy ouvè ak oditè yo

Anons

Emisyon Eritye Papa Desalin pou madi 28 janvye 2020

Entwodiksyon - Mizik Kiki Wainwright - Fò n Lite

Mobilizasyon pou manifestasyon devan Misyon Etazini nan LONI 3pm-6pm Jedi 30 janvye 2020:
1st Avenue ak 45th Street nan Manhattan

Repòtaj Kay Vwazen ak sè nou Altagracia Jean Joseph

Nouvèl:
-Yon avyon militè Meriken tonbe nan Afghanistan: Taliban yo di se yo k desann li ak kout zam, Meriken di se fikilte teknik
-Lakou Siprèm Meriken deside bay Trump lese pase pou dekrè li ki pèmèt ajan imigrasyon rejte aplikasyon rezidans ak sitwayènte migran ki te jwenn benefis leta pandan yo nan peyi a
-Yon tranblemanntè 6.8 frape peyi Tiki

Refleksyon nou sou Kobe Bryant ki mouri nan yon aksidan elikoptè ki touye 8 lòt moun

Liy ouvè ak oditè yo

Anons

Emisyon Eritye Papa Desalin pou lendi 27 janvye 2020

Entwodiksyon - Mizik Kiki Wainwright - Fò n Lite

Gouvènman Meriken an ki te di pyès sòlda li pa t mouri ni blese nan atak Iran te fè 8 janvye sou baz militè Ayn-al Asad ak Erbil nan Irak blije ap vire bouch li lanvè pou admèt valè sòlda ki te blese nan atak sila a; Pi devan y a di nou konbyen k te mouri

Ranmase sou Vandredi Anba Tonnèl pou 24 janvye 2020 la ak sè nou Fabyèn Yasent

Enpòtans pou kominote nou an genyen òganizasyon ak moun konpetan ki pou ede yo jwenn benefis leta kou wè Medicaid, Medicare, Disability, ak Social Security

Levanjil liberasyon an ak frè nou Prince Tiecoura Dorleans Dessalines

Jodi a se anivèsè nesans Dahoud: M ap salye epi remèsye manman m Yole epi sou demand yon oditè mwen pase mizik Manno Chalmay "Manman" pou li

Liy ouvè ak oditè yo

Nou jete dlo pou fanmi nou ki peri arebò zile Bahamas nan nofraj yon kannòt kanntè ki te kite Ayiti 10 janvye k sot pase a: Yo jwenn 3 kadav men nou pa konn konbyen k pèdi

Mobilizasyon pou manifestasyon devan Misyon Etazini nan LONI 3pm-6pm Jedi 30 janvye 2020:
1st Avenue ak 45th Street nan Manhattan

Emisyon Eritye Papa Desalin pou madi 21 janvye 2020

Entwodiksyon - Mizik Kiki Wainwright - Fò n Lite

Ti koze ak gran frè nou Jean Claude Martineau (Koralen) sou aktyalite atravè mond lan; sou manti li demonte nan liv li "Haiti en six leçons"; sasinay Majò Jeneral Qasem Soleimani; sou eleksyon pou prezidan Meriken k ap dewoule jodi a; sou 10 lannen Goudougoudou a

Repòtaj Kay Vwazen ak sè nou Altagracia Jean Joseph

Nouvèl:
-Gwo tèt chaje nan peyi Lachin ak yon nouvo "coronavirus" Gouvènman peyi sila a panko rive kontwole
-Liberasyon prizonye politik Delbert Afrika manm òganizasyon MOVE apre 42 lannen nan prizon Meriken
-Ti komik Jovenel Moise di l ap travay sou yon nouvo konstitisyon pou peyi nou epi l ap fè referanndòm anvan 2020 an bout

Liy ouvè ak oditè yo

Yon rankont peyi restavèk Etazini nan Amerik la fèt nan Kolonbi ansanm ak Pompeo pou wè si y ap fè Juan Guaido sanble yon bagay

Mesaj nou pou mèt ke Jovenel Moise yo

Mobilizasyon pou manifestasyon devan Misyon Etazini nan LONI 3pm-6pm Jedi 23 janvye 2020:
1st Avenue ak 45th Street nan Manhattan

 

Emisyon Eritye Papa Desalin pou lendi 20 janvye 2020

Entwodiksyon - Mizik Kiki Wainwright - Fò n Lite

Jodi a se jou peyi Etazini selebre nesans Martin Luther King Jr, nou jete dlo pou Vanyan an

Jodi a fè gran frè nou Granbwa 65 rekòt kafe, nou salye Vanyan an, nou di l Bòn Fèt!

Ranmase sou Vandredi Anba Tonnèl pou 17 janvye 2020 la ak sè nou Fabyèn Yasent

Levanjil liberasyon an ak frè nou Prince Tiecoura Dorleans Dessalines

Ti koze ak frè nou Raymond Dugué ak madanm li Dr. Marjorie Dugué ki nan yon vizit nan peyi Ejip nou kontinan Afriken an

Refleksyon nou sou demisyon Frank Seddio ki se chèf pati Demokrat nan Brooklyn nan epi anons ke msye chwazi ti restavèk Rodneyse Bichotte pou ranplase l

Anons

Emisyon Eritye Papa Desalin pou madi 14 janvye 2020

Entwodiksyon - Mizik Kiki Wainwright - Fò n Lite

Mobilizasyon pou manifestasyon devan Misyon Etazini nan LONI 3pm-6pm Jedi 16 janvye 2020:
1st Avenue ak 45th Street nan Manhattan

Nou salye Msye Louis Fevry k ap fete anivèsè nesans li jodi a yon Bòn Fèt

Nouvèl:
-Dewoulman eleksyon pou pwochen prezidan Meriken an; Michael Bloomberg, ansyen majistra New York la di l pare pou l depanse tout sa l posede pou kapote Donald Trump
-Gwo leve kanpe nan peyi Lafrans kont politik ekonomik Macron an; Gouvènman an fè bak sou kèk nan pwojè li yo
-Gwo manifesatasyon nan peyi Iran apre gouvènman peyi sila a admèt se yon erè bò kote pa yo ki lakòz yo se yomenm ki te tire misil sou avyon Air Ukraine nan kote 176 moun pèdi lavi yo
-Enfòmasyon sòti ke sèvis sekrè peyi Izrayèl te patisipe nan konplo pou sasinen Majò Jeneral Souleimani
-Sou presyon jounalis pou bay prèv akizasyon Etazini kòmkwa Jeneral Iranyen an te nan mitan mannigèt pou atake 4 anbasad Etazini, pawòl reprezantan Etazini yo mele epi Donald Trump di zwazo bèk fè a granmoun li fè sa yo vle

Repòtaj Kay Vwazen ak sè nou Altagracia Jean Joseph

Liy ouvè ak oditè yo

Nan yon nòt pou laprès peyizan ki pèdi tè yo nan lòbèy Karakòl la fè konnen jiskaprezan yo panko jwenn tè ak ti tchotcho blan an te pwomèt yo a

Kounyè a se Almay, Angletè, ak Lafrans k ap fè presyon sou Iran pou l pa retounen nan pwojè enèji nikleyè yo a menm lè Donald Trump te chire akò Obama te siyen an

Anons

Emisyon Eritye Papa Desalin pou lendi 13 janvye 2020

Entwodiksyon - Mizik Kiki Wainwright - Fò n Lite

10 lannen lawont pou peyi nou apre Goudougougou an: Pou di nou ka fè sa yon lòt jan

Ayibobo pou KOMOKODA ak lòt fanmi ki te vin pote kole Jedi pase devan Misyon Etazini nan LONI epi devan Fondasyon Clinton yè

Ranmase sou Vandredi Anba Tonnèl pou 10 janvye 2020 la ak sè nou Fabyèn Yasent

Levanjil liberasyon an ak frè nou Prince Tiecoura Dorleans Dessalines

Ti koze ak sè nou Jennie-Laure Sully ki se responsab nan òganizasyon Solidarite Quebec-Haiti

Liy ouvè ak oditè yo

Emisyon Eritye Papa Desalin pou madi 7 janvye 2020

Entwodiksyon - Mizik Kiki Wainwright - Fò n Lite

Refleksyon nou sou kote n ye 10 lannen apre Goudougoudou a

Dimanch 12 janvye, Midi pou 3pm: Manifestasyon devan Fondasyon Clinton nan Manhattan
1633 Brodway, ant 50th ak 51st Streets

Repòtaj Kay Vwazen ak sè nou Altagracia Jean Joseph

Nouvèl:
-Diplis sou sasinay Jeneral Iranyen Qassem Soleimani
-Nou pase yon repòtaj medya "Jounal 9" kote yon fanmi ap denonse Andre Michel ki mande pou lekòl ouvè epi pou manifestasyon fèt lannuit ak nan wikenn

Mobilizasyon pou manifestasyon devan Misyon Etazini nan LONI 3pm-6pm Jedi 9 janvye 2020:
1st Avenue ak 45th Street nan Manhattan

Anons