Emisyon Eritye Papa Desalin pou madi Premye avril 2025

Nou remèsye oditè yo ki sipòte emisyon an; Konbit pou kominote a sipòte aktivite nan jou k ap vini yo; Nou jete dlo pou avoka Mario Joseph ak Ougan Zaza ki janbe; Repòtaj Kay Vwazen nan Repiblik Dominikèn ak Altagracia Jean Joseph; Nouvèl; Liy ouvè; Anons...

*******

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Avoka Mario Joseph anpil moun konnen pou travay li nan pwosè Raboto a epi dosye kolera a fè travèse li yè

Ougan Zaza (Frantz Jean Raymond) ki te kenbe Lakou Bwa Kayiman an epi ki te òganize yon semèn aktivite chak mwa out pou selebre zansèt nou yo fè travèse li yè

Repòtaj Kay Vwazen nan Repiblik Dominikèn ak Altagracia Jean Joseph

Nouvèl:
-Jij federal Edward Chen nan California deside bloke desizyon ekip Trump lan pou yo te anile TPS pou plizyè santèn Venezyelyen ki t apral fòse yo kite Etazini 7 avril k ap vini an
-Ranfò lapolis ak rezistans popilasyon Mibalè fòse teworis Viv nan san yo degèpi; Plizyè nan yo gen tan pran bwa kale
-2 lòt Kenya blese nan lese frape teworis yo; Fritz Jean mete rad lagè li sou li pou l anonse yon bidjè lagè pou gouvènman kroupyon an achte plis zam epi agrandi lapolis la; Sòlda Kenya yo fè gwo plenyen kòmkwa se yon sèl fwa chak jou yo manje, yo pa jwenn bon ekipman epi depi mwa janvye yo pa touche
-Politisyen aktivis Meriken Ralph Nader di olye 50,000 Palestinyen Israel ak Etazini ta touye nan jenosid k ap fè depi 7 oktòb 2023 a, chif la ta pi pre 400,000
-Plis prizon pou ansyen prezidan Lafrans Nicolas Sarkozy pou lajan Muamar Qadafi ki tonbe nan men li nan move kondisyon
-Vandredi a Tribinal Sivil nan Boston kondane ansyen majistra Lèziwa Jean Morose Villena pou krim limenm ak patizan li yo te fè sou popilasyon lakay li
-Atik NY Times pibliye sou kantite zam ak katouch kontrebann k ap sikile nan peyi nou
-Anbasadè peyi ann Ayiti di pòt peyi li gran ouvè pou resevwa  Ayisyen k ap chache travay
-Olye li ankouraje fidel legliz Nòtredam nan Miami yo kanpe goumen kont zak imigrasyon rasis ekip Trump lan, Pè sitirè Reginald Jean Mary mande yo lapriyè

Liy ouvè ak oditè yo

Anons