Emisyon Eritye Papa Desalin pou madi 27 fevriye 2024

Nouvèl; Repòtaj Kay Vwazen nan Repiblik Dominikèn ak Altagracia; Nouvèl rankont CARICOM nan; Meriken di peyi Benin ap voye 2000 sòlda nan komedi a; Liy ouvè ak oditè yo ...

*****

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Nou retounen sou dosye Aaron Bushnell, sòlda meriken ki mouri apre l te fin limen dife sou tèt li devan Anbasad Israel pou l te pwoteste kont jenosid Israel ak Etazini ap fè sou pèp Palestinyen an; Nou gade lòt moun ki fè menm zak la tankou chofè taksi Ayisyen Antoine Thurel nan Boston (1987) epi Karl-Udson Azor devan moniman Vètyè (2023)

Repòtaj Kay Vwazen ak sè nou Altagracia Jean Joseph depi Repiblik Dominikèn; Jodi a se jou peyi sila a ap fete 180 lannen endepandans li

Nouvèl
-Dewoulman 46yèm rankont peyi CARICOM yo nan Georgetown nan Giyàn:
--Ti presyon sou Ariel pou l negosye
--Anbasadè Meriken nan LONI an di Etazini kanpe djanm ak Ariel, ak okipasyon Kenya a epi li anonse peyi Benin dakò voye 2000 sòlda
--Yon palmantè opozisyon nan Giyàn denonse ipokrizi rasis prezidan peyi sa a ki se Irfaan Ali sou dosye Ayiti a

-Refleksyon nou vyolans san parèy lènmi a vle fè konprann ki djayi nan peyi a
-Vwyaj Ariel Henry nan Kenya se ta pou siyen dokiman okipasyon an
-Alatèt LOTAN an di wè pa wè Ikrèn ap rantre nan òganizasyon sila a kanmenm; Vladimir Putin reponn pou l di si se sa yo vle tout bon se pou yo sispann pale epi mete pye yo atè a
-Gwo manifestasyon nan Tel Aviv epi plizyè lòt kote nan Israel pou mete do Benjamin Netanyahu atè

Liy ouvè ak oditè yo

Anons