Emisyon Eritye Papa Desalin pou madi 16 janvye 2024

Woukoukou pou Vanyan Viola Plummer, December 12th Movement; Manif KOMOKODA devan Konsila Kenya NYC Mèkredi 24 janvye 2024; Ti koze ak Reyneld Sanon; Repòtaj Kay Vwazen nan Repiblik Dominikèn ak Altagracia; Nouvèl...

*****

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Mobilizasyon pou manifestasyon KOMOKODA devan Konsila peyi Kenya nan NY la mèkredi 24 janvye k ap vini an

Nou jete dlo pou dirijan Mouvman 12 Desanm Vanyan Viola Plummer ki fè travèse li

Ti koze ak frè nou Reyneld Sanon nan òganizasyon KAYLA sou 14 lannen depi Goudougoudou a; Bri k ap fè pou voye kriminèl asasen Guy Philippe monte; Epi sou okipasyon Meriken degize y ap peye peyi Kenya pou l jwe wòl di se li k ap fè l

Repòtaj Kay Vwazen ak sè nou Altagracia Jean Joseph depi Repiblik Dominikèn

Nouvèl:
-Donald Trump pote boure nan eleksyon Primary Iowa yè lendi a
-Yon delegasyon ansyen ofisyèl Meriken vizite Taiwan apre eleksyon nouvo prezidan yo ki se William Lai Ching-te
-Plizyè palmantè peyi Kenya menase revoke minis finans peyi a akoz dosye Ayiti a
-Minis Defans Meriken an Lloyd Austin lakay li apre 2 semèn lopital pou yon operasyon pwostat
-Premye Minis Izrayèl la Benjamin Netanyahu di Tribinal Jistis Entènasyonal la te mèt sote ponpe la fini travay li koumanse nan Gaza a
-Malgre bonbadman Meriken ak Angletè nan Yemen, lamè wouj la toujou nan gwo difikilte ak rebèl Houthi yo
-Apre anpil chirepit nouvo Prezidan Guatemala a Fernando Arevalo finalman prete sèman yè lendi a
-Attorney General Fulton County Georgia Fanni Willis pratikman admèt akizasyon avoka Trump yo fè kont li a

Liy ouvè ak oditè yo

Anons