Emisyon Eritye Papa Desalin pou madi 12 desanm 2023

Mobilizasyon; Koze "Deklarasyon Inivèsèl Dwa Moun" nan pote 75 lannen manti ak ipokrizi; Nouvèl; Liy ouvè ...

*****

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Mobilizasyon pou fèt fen ane KOMOKODA samdi 16 desanm 2023, 5PM

Mobilizasyon pou manifestasyon KOMOKODA devan Konsila Kenya nan NY madi 19 desanm 2023, 11am-2pm

Repòtaj Kay Vwazen nan Repiblik Dominikèn ak sè nou Altagracia Jean Joseph

10 desanm 2023 a fè 75 lannen depi Nasyonzini te pwoklame Jounen Entènasyonal Dwa Moun; Nou li "dwa" sa yo epi nou ouvè liy pou n gade ansanm ak oditè yo rapò koze sa yo ak noumenm epi ak lòt moun ki sanble ak nou

Nouvèl:
-Gouvènman Pewou lage ansyen Prezidan Alberto Fujimori pandan Pedro Castillo rete nan prizon
-Hamas di si l pa jwenn sa l mande yo okenn nan prizonye juif ki nan men l yo pa p kite Gaza vivan
-Jounal Izrayèl al Haretz denonse manti gouvènman Netanyahu a sou kantite sòlda juif Hamas frape
-Minis Afè Etranjè Iran di Hamas ak Hezboula pa gen pwoblèm jwenn zam achte nan stòk Meriken ak bizawèl li yo bay Ikrèn ki tonbe nan mache nwa
-Nouvo vwayaj Zelensky Washington pou wè si l a jwenn plis kòb ak zam
-Yè lendi a, nan menm jou demand lan fèt la, "Supreme Court" Meriken an aksepte pou l chita sou dosye iminite Donald Trump la
-Nouvo salè minimòm pou moun k ap travay nan eta NY la apati premye janvye 2024
-Sanksyon Etazini sou Jean Max Bellerive, Nenel Cassy, ak Herve Fourcand ak fanmi yo ak 27 lòt moun
-Òganizasyon MOPOD anonse li wete kò l nan "negosyasyon" ak CARICOM yo; Li ta parèt kòmkwa Fanmi Lavalas di li dakò siyen pwopozisyon CARICOM; Akò Montana ak EDE di yo pa nan solisyon k ap kenbe Ariel kòm premye minis

Liy ouvè ak oditè yo

Anons