Emisyon Eritye Papa Desalin pou lendi 2 jen 2025

Emisyon espesyal: Nou remèsye oditè yo ki sipòte emisyon an; Nou jete dlo pou sè nou Martha "Tita" St Clair ki fè travèse li samdi a; Levanjil Liberasyon ak frè nou Prens Tiecoura Dorleans Dessalines; Nouvèl; Pawòl Bosal 31 me 2025 la ak frè nou Manno Louizaire; Liy ouvè ak oditè yo; Anons  ...

*******

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Mobilizasyon pou manifestasyon KOMOKODA devan Konsila Dominiken, 3pm-6pm, mèkredi 4 jen 2025 lan: 1501 Broadway, 43rd & 7th Ave nan Manhattan

Nou jete dlo pou bon zanmi nou, fanmi nou Martha "Tita" St Clair fè travèse li samdi 31 me 2025 lan

Levanjil Liberasyon ak frè nou Prens Tiecoura Dorleans Dessalines

Nouvèl:
-NY Times rapòte restavèk lakay nou yo siyen yon kontra sekirite ak chèf mèsenè Erik Prince; Nou pase vwa menm Erik Prince sa a k ap mande yon rekolonizasyon kontinan Afriken an ak Amerik Latin nan
-Lakou Siprèm Etazini kase desizyon jij federal Indira Talwani sou "Pwogram Biden" nan epi bay gouvènman Trump la lese pase pou depòte moun ki te rantre nan pwogram sa a pandan dosye a ap kontinye plede nan tribinal

Emisyon Pawòl Bosal 31 me 2025 ak frè nou Manno Louizaire

Liy ouvè ak oditè yo

Prezidan Kenya a William Ruto  pa jennen prezante gwo omaj pou ekriven aktivis Kenya Ngugi wa Thiong'o pou l wè si l a va fè kèk moun bliye tout kritik Ngugi te fè sou li kòm tchoul restavèk Meriken

Anons