Emisyon Eritye Papa Desalin pou lendi 18 novanm 2024

Jodi a se 221yèm anivèsè Batay Vètyè; Levanjil Liberasyon ak frè nou Prens Tiecoura Dorleans Dessalines; Ti rapò sou lantèman Konpatriyòt Nickel Luma nan Brooklyn nan epi lan tonton Dahoud Raphael Pierre nan Montreal; Nouvèl; Liy ouvè ak oditè yo ...

*******

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Jodi a se 18 novanm 2024, 221yèm anivèsè Batay Vètyè, nou jete dlo pou zansèt nou yo
-Nou pase pyès "Vètyè, Pòtay Libète" ki se travay frè nou Jafrikayiti pibliye nan dezyèm CD Lafimen, Istwa Pèp Ayisyen an depi nan Ginen
-Nou pase ti moso nan Fim Arnold Antonin sou Janjak Desalin kote istoryen Pierre Buteau ap pale sou Batay Vètyè a

Levanjil Liberasyon ak frè nou Prens Tiecoura Dorleans Dessalines

Anons
-Manif KOMOKODA devan Konsila Dominikèn nan Times Square Manhattan mèkredi 13 novanm
-Pelerinaj jedi 28 novanm nan Plymouth, MA pou Jounen Nasyonal Dèy la ak fanmi United American Indians of New England

Lantèman manm KOMOKODA Nickel Luma ak lantèman Raphael Pierre, tonton m, ki tou 2 fèt nan wikenn nan

Nouvèl
-Atik jounal Angletè Guardian sou Ayisyen k ap kouri kite Springfield, Ohio anvan Trump pran pouvwa a 20 janvye 2025
-Arestasyon plizyè manm lapolis ak lame Dominiken pou zam ak katouch ki disparèt; Li klè se bagay yo vòlò pou al vann gang ann Ayiti
-Jury federal nan Virginia deside bay 3 nan viktim Abu Ghraib yo 42 milyon pou maspinay yo te sibi anba men lame Meriken ak gwoup mèsenè CACI
-Nan mitan peripesi Ayisyen ap travèse ni Ayiti ni isit Ozetazini yon gwoup Ayisyen san konsyans patizan Demokrat yo al fete, trenke chanpay nan Mezon Blanch
-Manm Gouvènman Alix Didier Fils-Aimé yo enstale nan pòs yo
-Gouv. Biden nan bay Zelensky lese pase pou l sèvi ak zam Meriken ba li pou l atake anndan vant Larisi; Trump mande pou tou 2 bò yo sispann tire zam

Liy ouvè ak oditè yo

Anons