Emisyon Eritye Papa Desalin pou lendi 18 mas 2024

Nou jete dlo pou Patrick Dorismond; Mesaj Prens Tiecoura Dorleans Desalin; Putin re-eli pou 5yèm manda li; ALBA di Aba okipasyon degize Meriken ann Ayiti a; Liy ouvè ak oditè yo ...

*******

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Nou voye fòs, kouraj, ak lanmou pou fanmi ak zanmi sè nou Guilene "Nanoune" Obas; Lantèman li fèt Vandredi a

Nou sonje Patrick Dorismond; Samdi k sot pase a fè 24 lannen depi Lapolis Giuliani a te sasinen l

Levanjil Liberasyon ak frè nou Prince Tiecoura Dorleans Dessalines

Nouvèl:
-Vladimir Putin ranpòte laviktwa nan eleksyon prezidansyèl lakay li; Li pral tanmen 5yèm manda l
-Macron ap pouse pou sòlda LOTAN rantre nan batay Ikrèn nan
-Lantèman komisè Lapolis Kenya Walter Nyamato ki te sou dosye Ayiti a fèt samdi a
-Òganizasyon ALBA pibliye yon deklarasyon pou yo denonse pwojè okipasyon degize Meriken ann Ayiti a 

Nou pase vwa pè k ap preche nan lantèman yon polisye PNH ki te rele Jean-Baptiste ki mouri anba men gang

Nou pase vwa ansyen anbasadè Meriken Pamela White k ap pale sou konvèsasyon li ak Guy Philippe epi sou jan ni msye ni Babekyou li rele "Jimmy C" ta dwe chita sou tab negosyasyon an

Liy ouvè ak oditè yo

Anons