Emisyon Eritye Papa Desalin pou jedi 9 me 2024

Mobilizasyon pou n al kontre ak Wiliiam Ruto ak madanm li nan Washington; Segman Imigrasyon ak Taina Exant, Fanm Ayisyen pou Refijye Ayisyen; Rezilta konbit pou radyoton Radio Omega a; Nouvèl; Liy ouvè ak oditè yo ...

*****

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Bòn fèt Mirlande

Mobilizasyon pou manifestasyon KOMOKODA Washington jedi 23 me kont prezans prezidan Kenya a William Ruto ak madanm nan k aprale nan mezon blanch

Segman Imigrasyon ak Taina Exant, responsab nan òganizasyon Fanm Ayisyen pou Refijye Ayisyen; Panko genyen yon nouvo TPS pou Ayiti, Tanpri pa pote lajan nou ba chalatan pou yo ranpli TPS pou nou

Oditè Eritye Papa Desalin yo sanble $960 pou radyoton Radio Omega a

Nouvèl
-Yon lapli avyon militè Meriken ap pote zagribay pou ranje kabann pou Kenya
-Nou salye òganizasyon Renouvo Demokratik ki voye di KOMOKODA y ap ansanm ak nou nan Washington jedi 23 me pou n al bat chalbari dèyè William Ruto
-Gwo parad militè nan Larisi pou peyi a selebre Jounen Viktwa a, jou Inyon Sovyetik te fese do Almay Adolph Hitler atè; Nan diskou li Vladimir Putin di li pa p chache pèsonn kont men li vle tout moun konnen zam nikleyè Larisi pare epi dwèt li pa janm lwen bouton chavire a

Liy ouvè ak oditè yo

Anons

Aladènye segond yon oditè ajoute $140 sou $960 pou Radio Omega a ki mennen nou nan chif $1100 nou te ranmase ane pase a! Nou di tout fanmi Eritye Papa Desalin nan Mèsi, Mèsi, Mèsi anpil