Emisyon Eritye Papa Desalin pou jedi 4 janvye 2024

Yo di nou ISIS reklame atak teworis nan Iran an; Dyaspora a voye 3.8 milya lakay pandan ane 2023 a; Majistra Eric Adams nan NYC di vil la pa gen plas ankò pou akomode moun k ap debake yo; Liy ouvè ...

*****

Entwo

Nou salye fanmi k ap koute yo

Nou remèsye oditè yo ki sipòte emisyon an epi nou ankouraje yo kontinye kenbe men ak emisyon Eritye Papa Desalin

Nouvèl:
-Pwogram Alimantè Mondyal anonse chif Ayisyen ki pa jwenn ase manje pou yo manje nan peyi a ta rive sou 8.2 milyon
-Biwo estatistik Ayiti anonse dyaspora a ta voye 3.8 milya dola vèt bay fanmi yo nan peyi a pandan ane 2023 a
-Apre Meriken anonse se pa li k eklate bonb nan Iran yè, gwo medya yo anonse gwoup ISIS pran responsabilite pou zak la
-Majistra NYC a Eric Adams ak estaf li di si federal la ak gouvènè NY la pa leve pye yo migran ki ateri nan vil la yo apral koumanse dòmi nan lari
-Plis non gwo zotobre peyi a pran lari nan dosye Jeffrey Epstein nan
-Moun k ap suiv kous elektoral pati Repibliken an pre di moun k ap deside yo pa p aksepte pou se Donald Trump ki ta vin kandida; yo plis wè magouy k ap fèt pou voye Nikki Hailey monte

Anons sèvis pou militan Meriken Nwa Ralph Poynter ki fè travèse li

Liy ouvè ak oditè yo

Ti koze ak sè nou Mamyrah Douger-Prosper sou 2023 a k ale epi 2024 la k ateri sou nou

Anons