Sit Podcast Eritye Papa Desalin
Emisyon Eritye Papa Desalin pou madi 28 septanm 2021

Emisyon Eritye Papa Desalin pou madi 28 septanm 2021

September 28, 2021

Entwo

Nou salye fanmi k ap koute yo

Ti koze ak Sè Dona Belizaire, Madmwazèl Ayiti 1804, epi ak Frè Salomon ki te deplase ale nan Houston, Texas pou pote kole ak fanmi nou yo ki soti anba pon Del Rio a

Repòtaj kay Vwazen ak sè nou Altagracia Jean Joseph ki nan Repiblik Dominikèn; Ti pale sou 8 lannen depi pi wo enstans tribinal nan peyi sila a te pran desizyon pou denasyonalize tout pitit Ayisyen k fèt nan peyi sila a depi 1929

Nouvèl
-Gouvènman Bahamas anonse yo gen plis pase 700 refijye Ayisyen ki debake lakay yo semèn ki sot pase a
-Sitwayen Kolonbyen nan vil sou kot nòdwès peyi sila a bat bravo pou gwo biznis y ap fè ak refijye yo k ap travèse nan zòn lakay yo pou rive Panama etan yo nan wout pou Etazini
-Manifestasyon anfavè refijye Ayisyen yo devan biwo Senatè Patrick Leahy nan Burlington, Vermont
-Ti komik Ariel Henry "Core Group" la pwoklame Premye Minis peyi nou an revoke KEP kwoupyon apatrid Jovenel Moise la

Liy ouvè ak oditè yo

Anons

Emisyon Eritye Papa Desalin pou lendi 27 septanm 2021

Emisyon Eritye Papa Desalin pou lendi 27 septanm 2021

September 27, 2021

Entwo

Nou salye fanmi k ap koute yo

Nou remèsye tout fanmi ki fè men kontre ak emisyon an pandan mwa septanm nan

Nou salye Nicole, Fritznel, ak Dhayhantz ki soti lwen pou vin jwenn nou nan kominote a; Nou di yo kominote a pou yo

Nou voye kouraj pou konpatriyòt Michel Edouard apre deblozay ki pete nan Radyo Pa Nou yè dimanch lan

Ranmase sou Vandredi Anba Tonnèl pou Vandredi 24 septanm 2021 ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Ti koze ak frè nou Oneza Lafontant ak Kazèk Ronald Jerome nan Bakonwa nan zòn Nip peyi a

Nouvèl:
-Alatèt aktivite finansyè konpayi Teknoloji Chinwa Huawei, Meng Wanzhou jwenn liberasyon li epi ateri ak gwo fanfa lakay li nan peyi Lachin
-Gad fwontyè Custom Border Patrol yo denonse ipokrizi Joe Biden ki fin mande yo sèvi ak fwèt pou Ayisyen yo pa pwoche sou chwal yo epi jodi a ap kritike yo dèske yo fè sa l te mande yo a
-Depite Demokrat Andy Levin ajoute vwa li ak lòt politisyen yo ki denonse andministrasyon Biden nan
-Lapolis NY arete yon gwoup moun ki t al fè "dezobeyisans sivil" devan Brooklyn Bridge maten an

Konbit pou pwojè Afterschool Flanbwayan Haitian Literacy Project la

Liy ouvè ak oditè yo

Anons

Emisyon Eritye Papa Desalin pou madi 21 septanm 2021

Emisyon Eritye Papa Desalin pou madi 21 septanm 2021

September 21, 2021

Entwo

Nou salye fanmi k ap koute yo

Mobilizasyon pou manifestasyon 4 òganizasyon (KOMOKODA, Fanm Ayisyen pou Refijye Ayisyen, Flanbwayan, ak UNIA) mete ansanm pou fè demen pou depòtasyon rasis Etazini ap fè sou fanmi nou yo ki sou fwontyè Texas la epi pou n fè fanmi nou yo konnen yo pa pou kont yo

Repòtaj kay Vwazen ak sè nou Altagracia Jean Joseph ki nan Repiblik Dominikèn

Ranmase sou 263yèm anivèsè Papa nanchon nou Janjak Desalin ak frè nou Fritzner Pierre

Liy ouvè ak oditè yo

Anons

Emisyon Eritye Papa Desalin pou lendi 20 septanm 2021

Emisyon Eritye Papa Desalin pou lendi 20 septanm 2021

September 20, 2021

Entwo

Nou salye fanmi k ap koute yo

Emisyon espesyal pou 263yèm anivèsè Papa nanchon nou Janjak Desalin

Mobilizasyon pou manifestasyon 4 òganizasyon (KOMOKODA, Fanm Ayisyen pou Refijye Ayisyen, Flanbwayan, ak UNIA) mete ansanm pou fè demen pou depòtasyon rasis Etazini ap fè sou fanmi nou yo ki sou fwontyè Texas la epi pou n fè fanmi nou yo konnen yo pa pou kont yo

Ranmase sou Vandredi Anba Tonnèl pou Vandredi 17 septanm 2021 ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Liy ouvè ak oditè yo sou Papa Desalin

Nou pase vwa yon fanmi ki anba pon nan Texas la ansanm ak yon ti bebe 6 mwa epi ak mari l

Refleksyon nou sou kondisyon nou kòm pèp

Liy ouvè ak oditè yo

Mobilizasyon pou manif demen an

Anons
-Selebrasyon nesans Papa Desalin nan Flanbwayan aswè a
-Manif 3pm - 6pm demen nan Grand Army Plaza nan Brooklyn

Emisyon Eritye Papa Desalin pou madi 14 septanm 2021

Emisyon Eritye Papa Desalin pou madi 14 septanm 2021

September 14, 2021

Entwo

Nou salye fanmi k ap koute yo

Jodi 14 septanm 2021 an fè 10 lannen depi Msye Joseph Andre, papa m te fè travèse li; Nou jete dlo pou li epi nou voye kouraj pou fanmi an

Repòtaj kay Vwazen ak sè nou Altagracia Jean Joseph ki nan Repiblik Dominikèn

Anons:
-lendi 20 septanm nan, 6-9pm, n apral selebre nesans Papa Desalin nan lokal Flanbwayan an, 206 Parkside Avenue
-Fanmi k ap chache kay
-Nou ankouraje fanmi an pote kole nan konbit Flanbwayan ap fè pou yo jwenn kòb pou soutni pwojè "Afterschool Tutoring" yo a

Nouvèl:
-18 Kolonbyen k nan prizon Ayiti pou sasinay Jovenel Moise yo an rele Anmwe pou kondisyon yo nan prizon an epi lefèt ke yo panko janm parèt devan jij
-Karine Jean Pierre pale kòm pòtpawòl Mezon Blanch pou l mande eleksyon prese prese an Ayiti epi pou l chache konvenk moun gen gwo diferans ant Biden ak Trump nan jan yo wè epi trete Ayiti
-Atak Gad Nasyonal Meksiken pou bloke Karavàn Migran k ap soti Amerik Santral yo
-Gad Kòt Meriken entèsepte 104 migran Ayisyen sou lanmè
-Lese frape Ariel Henry ak ekip Jovenelis yo
-Taliban yo pibliye videyo plizyè malèt lajan ak blòk lò yo jwenn lakay ansyen Vis Prezidan gouvènman restavèk Afghan an Amrullah Saleh

Liy ouvè ak oditè yo

Joe Biden mete nouvo regilasyon li di k apral rive fini ak Kovid la Ozetazini

Kidnapin ak sasinay la kontinye ap vale teren - Jedi 9 novanm ki sot pase a asasen krible bizinman, ekspòtatè mango Jose Pablo Sylvain ak bal

Anons

Emisyon Eritye Papa Desalin pou lendi 13 septanm 2021

Emisyon Eritye Papa Desalin pou lendi 13 septanm 2021

September 13, 2021

Entwo

Nou salye fanmi k ap koute yo

Ranmase sou Vandredi Anba Tonnèl pou Vandredi 10 septanm 2021 ak sè nou Fabyèn Yasent

Levanjil Liberasyon an ak frè nou Prince Tiecoura Dorleans Dessalines

Ti koze ak frè nou Ougan Maxime Lorisme pou n jete dlo pou sè nou Marie Claude Blass ki antere pandan wikenn nan

Nou ouvè liy pou oditè k te konnen Marie Claude rele pou salye memwa li

Ti ranmase sou 3 lòt 11 septanm
-11 septanm 1973 - Koudeta nan Chili ak lanmò Prezidan Salvador Allende
-11 septanm 1988 - Masak nan legliz Senjan Bosko
(Nou pase vwa Sony Lefort(?), yon fanmi k te viktim nan masak la k ap rakonte eksperyans li) - https://www.youtube.com/watch?v=HZvVqNorHxU
-11 septanm 1993 - Sasinay Antoine Izmery devan legliz Sakrekè nan Tijo nan Pòtoprens
(Nou pase vwa Antoine Izmery k ap bay lis boujwa yo k te peye pou koudeta a)

Nouvèl:
-Nou salye memwa "Chairman Gonzalo" alatèt Pati Kominis Pewou ki te fòme mouvman geriya Sendero Luminoso (Chimen Limyè)  ki fè travèse li samdi a
-Plis traka pou viktim Goudougoudou Gran Sid la ak pri siman, tòl, ak bwa 2x4 ki plis ke double
-Bri ap kouri se $100,000 leta Ayisyen ta peye gang yo pou 160 kamyon gaz yo te ka soti nan Vare al distribiye
-Depi granm maten zam ap tire nan Matisan anwo pa desann anba pa monte
-Kidnaping retounen ap vale teren nan zòn Pòtoprens lan

Liy ouvè ak oditè yo

Emisyon Eritye Papa Desalin pou madi 7 septanm 2021

Emisyon Eritye Papa Desalin pou madi 7 septanm 2021

September 7, 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Ti koze ak frè nou Oneza Lafontant epi ak frè nou Kazèk Ronald Jerome ki nan Bakonwa

Levanjil Liberasyon an ak frè nou Prince Tiecoura Dorleans Dessalines

Nouvèl:
-Taliban yo reyisi kraze mouvman rebelyon ki te genyen nan zòn Panjshir nan Afghanistan epi yo prezante nouvo gouvènman ki pral dirije peyi a
-Pandan l t ap fè kanpay pou eleksyon k pral fèt nan Kanada lendi 20 septanm, moun ki t ap manifeste paske yo pa dakò ak politik Kovid-19 peyi a kalonnen Justin Trudeau ak wòch
-7 lannen apre yo te arete yon pitit gason Muamar Gadafi ki rele Saadi Gadafi, moun ki opouvwa nan peyi Libi yo lage msye
-Jodi a fè 2 mwa depi sasinay apatrid Jovenel Moise gen moun ki t al manifeste devan kay Ariel Henry pou mande jistis epi Martine Moise mete deklarasyon pou l wè si l a lolo pèp Ayisyen an
-Biwo Pwoteksyon Sivil Ayiti anonse yo fèmen pati nan travay yo kote yo t ap chache moun vivan anba dekonm epi yo bay yon dènye bilan sou travay yo
-Asasen touye Pè Andre Sylvestre, kire pawas Wobiya, pandan l t ap soti labank Okap yè lendi a

Liy ouvè ak oditè yo

-Gad Nasyonal Meksiken rive kraze karavàn migran ki t ap chache rive sou fwontyè Meksik ak Etazini
-Meksik deside ranplase estati Kristòf Kolon ki te nan mitan vil Mexico City ak estati yon fanm Endijèn
-Gouvènman Venezyela ak opozisyon nan peyi sila a pibliye yon deklarasyon ansanm sou pwogrè y ap fè nan negosyasyon k ap fèt nan peyi Meksik yo

Anons

Emisyon Eritye Papa Desalin pou lendi 6 septanm 2021

Emisyon Eritye Papa Desalin pou lendi 6 septanm 2021

September 6, 2021

Entwodiksyon - Mizik Kiki Wainwright - Fò n Lite

Nou salye fanmi k ap koute yo

Nan emisyon Eritye Papa Desalin nou louvri Mwa Janjak Desalin nan jodi

2 ti mo sou jounen "Labor Day" (Fèt Travayè) k ap selebre isit Ozetazini jodi a

Ranmase sou Vandredi Anba Tonnèl pou Vandredi 3 septanm 2021 ak sè nou Fabyèn Yasent

Mèsi Papa Desalin - Pwezi Felix Morisseau Leroy

Liy ouvè ak oditè yo pou n diskite ki sa Papa Desalin ye pou yo

Nouvèl:
-Ayisyen k ap viv nan vil Valparaiso nan Chile fè gwo manifestasyon apre lapolis nan vil sila a sasinen yon jèn gason Ayisyen ki rele Louis Gentil
-Koudeta yè nan peyi Guinea ki kapote prezidan peyi sila a Alpha Condé
-Medya Kolonbyen Caracol pibliye anrejistreman entèwogasyon plizyè nan mèsenè Kolonbyen yo kote yo admèt yo te gen yon misyon 3 tèt: Touye Jovenel Moise; pran kamera ki t ap anrejistre kay la ak "server" yo; epi jwenn mago lajan (ant 17 jiska 45 milyon dola vèt) yo konnen k te sere anndan kay la
-Jean Laguel Civil, kowòdonatè USP a (Inite Sekirite Prezidansyèl) se premye nan moun ki nan prizon pou sasinay Jovenel Moise yo ki parèt devan Jij Gary Orélien ansanm ak avoka l Reynold Georges Vandredi 3 septanm ki sot pase a
-Apre Goudougoudou 2010 se Repiblik Dominikèn Inyon Ewopeyen te bay lajan pou bati yon inivèsite pou Ayiti nan Limonad; Jodi a ankò nou twouve Bank Santameriken  pou Entegrasyon Ekonomik ki bay Repiblik Dominikèn yon milyon dola pou ede Ayiti jere Goudougoudou 14 out 2021 an
-Yonn nan 5 jèn ti gason nwa yo te arete, kondane nan dosye "Central Park 5" la, epi pi devan lage paske yo te inosan, Yusuf Salaam, anonse l apral kandida pou sena eta NY la pou ranplase Brian Benjamin nan Harlem k apral pran djòb Lyetnan Gouvènè

Liy ouvè ak oditè yo

Anons

Podbean App

Play this podcast on Podbean App